Insiguro y'isanamu, Mu 2017 Bill Gates na Melinda Gates bagiye kureba irushanwa ryo gusimbuka rya Global Champions Tour ryabereye i Monaco mu karere ka Monte-Carlo
Ku wa mbere, Bill na Melinda Gates batangaje ko bashoje urushako rwabo bari bamazemo imyaka 27 kubera ko "ntitucyemeza ko dushobora gukurana hamwe nk'abashakanye mu cyiciro gikurikiyeho cy'ubuzima bwacu".
Aba bombi, mu 2000 bashinze ikigo kidaharanira inyungu cya Bill & Melinda Gates Foundation cyiyemeje kurwanya ubucyene, indwara n'ubusumbane ku isi.
Bwana Gates - washinze kompanyi y'ikoranabuhanga ya Microsoft afatanyije na Paul Allen wapfuye mu 2018 - yageze ku bukungu abukuye ku gukora za 'softwares' za mudasobwa.
Mu 2008, yavuye ku mwanya wo kuyobora iyo kompanyi umunsi ku munsi.
Bill Gates ni we muntu wa kane ukize cyane ku isi, nkuko bitangazwa n'ikinyamakuru Forbes, abarirwa umutungo wa miliyari 124 z'amadolari y'Amerika.
Aya ni amwe mu mafoto yabo bombi:
Ahavuye isanamu, Getty Images
Insiguro y'isanamu, Mu 1998, bahaye sheke (cheque) ya miliyoni $100 ikigo cy'ikoranabuhanga ribereye mu buvuzi cya 'Program for Appropriate Technology in Health' (PATH)
Ahavuye isanamu, Getty Images
Insiguro y'isanamu, Mu 2002 Melinda yaherekeje umugabo we i Washington, DC ubwo yatangaga ubuhamya mu rubanza ku kubangamira irushanwa mu bucuruzi rwarezwemo Microsoft
Ahavuye isanamu, Getty Images
Insiguro y'isanamu, Bill na Melinda Gates, mu 2015 bitabiriye ikiganiro i Bruxelles (Brussels) mu Bubiligi cyateguwe n'ikinyamakuru The Economist cyo mu Bwongereza, cyavugaga ku byitezwe kugerwaho bikomeye mu buvuzi, mu burezi, mu buhinzi no mu rwego rw'amabanki mu myaka 15 iri imbere
Ahavuye isanamu, Getty Images
Insiguro y'isanamu, Mu 2015, Umwamikazi w'Ubwongereza Elizabeth II yahaye Bill Gates ishimwe ry'icyubahiro, mu ngoro ya Buckingham i London, ari kumwe n'umugore we Melinda
Ahavuye isanamu, Getty Images
Insiguro y'isanamu, Mu 2015 Bill na Melinda Gates bahuye n'uwari umunyamabanga mukuru w'umuryango w'abibumbye (ONU/UN) Ban Ki-moon, ku cyicaro gikuru cya ONU i New York
Ahavuye isanamu, Getty Images
Insiguro y'isanamu, Mu 2016 uwari Perezida w'Amerika Barack Obama yahembye aba bombi umudari wa 'Presidential Medal of Freedom' kubera ibikorwa byabo byo gufasha
Ahavuye isanamu, Getty Images
Insiguro y'isanamu, Mu 2017 aba bombi bahembwe umudari wa Légion d'Honneur - wa mbere w'icyubahiro cyo hejuru mu Bufaransa - n'uwari Perezida François Hollande, kubera ibikorwa byabo byo gufasha
Ahavuye isanamu, Getty Images
Insiguro y'isanamu, Mu 2019, aha bari baryohewe no kureba umukino wa tennis wahuzaga Umunya-Pologne Hubert Hurkacz n'Umu-Suisse Roger Federer
