Kenya: Abantu ibihumbi bahejejwe mu mihanda kuko barenze ku mukwabu wa Covid
Ahavuye isanamu, File photo/AFP
Abantu ibihumbi bari mu modoka zabo n'iza rusange muri Kenya baheze mu mihanda mu gihe polisi yafungaga imihanda mikuru mu murwa mukuru, Nairobi, ngo ishyire mu bikorwa umukwabu wa saa mbili z'ijoro wo kurwanya ikwirakwira rya Covid.
Amashusho n'amafoto y'imirongo miremire cyane y'imodoka, n'imodoka zitwara indembe zigerageza guca muri uwo mubyigano, yavuzweho cyane kuwa gatandatu nijoro.
Abantu benshi banenze abategetsi gufata umwanzuro nk'uyu. Umwe yanditse kuri Twitter ati: "ibibi bibiri ntabwo bitanga icyiza".
Abandi bavuze ko Polisi yakoze ibikwiye kuko abantu 'bari bamaze gukabya cyane' mu kurenga ku mukwabu washyizweho.
Dr Githinji Gitahi, umukuru w'ikigo Amref Health Africa, yanditse kuri Twitter ati: "Gukurikiza amabwiriza y'ubuzima si ugukorera abantu iyicarubozo nko kuri Thika road, ahubwo ni mu kuganiriza rubanda ku kwirinda"
Gufunga imihanda minini byateye benshi kurakara, abashoferi bavuza cyane amahoni naho abagenzi bamwe biyemeza gukomeza ingendo zabo n'amaguru.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa, 1
Ikinyamakuru The Standard cyavuganye n'umugabo n'umugore bari bajyanye umwana wabo urwaye kwa muganga ariko bagahagarikwa amasaha abiri.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa, 2
"Ibi biteye isoni. Umukwabu ntabwo uri kubahirizwa. Nizeye ko uyu muryango n'abandi bantu ibihumbi baheze mu mihanda bari amahoro. Ingamba za Covid ntizikwiye kuba urwitwazo rwo kwica abantu urubozo no kubangamira rubanda. Birahagije! " Janet Mbugua kuri Twitter.
Ntabwo hazwi neza uwatanze amabwiriza yo gufunga imihanda gutya, gusa nyuma y'amasaha atatu polisi yatangiye kuyifungura imodoka zongera kugenda.
Mu ijoro ryo ku cyumweru, abatwara imodoka baranzwe no kwihuta cyane bataha mbere ya saa mbiri z'ijoro, biboneka ko hari ubwobako ibyabaye kuwa gatandatu nijoro byasubira.
Mu kwezi gushize Perezida Uhuru Kenyatta yatangaje umukwabu wa 20:00 - 04:00 hagamijwe kugabanya ubwandu bwa Covid-19.
Yanategetse gufunga utubari, amashuri anabuza ingendo ziva cyangwa zijya mu ntara eshanu zirimo Nairobi.
Muri Kenya, abantu barenga 151,000 batangajwe ko banduye Covid-19 mu gihe abo imaze kwica barenga 2,400.
