Rwanda: Dr Diane Gashumba, uwa gatatu weguye ku buminisitiri mu gihe cy'iminsi 7
Ahavuye isanamu, CYRIL NDEGEYA
Dr Diane Gashumba wari Minisitiri w'ubuzima mu Rwanda yaraye yeguye ku mirimo ye, nkuko bitangazwa n'ibiro bya minisitiri w'intebe.
Kwegura kwe "kuje gukurikira amakosa akomeye n'imiyoborere idakwiye yakomeje kugaragaza", nkuko bikubiye mu butumwa bwo kuri Twitter bw'ibiro bya minisitiri w'intebe w'u Rwanda.
Nta bindi bisobanuro byatanzwe ku kwegura kwe.
Dr Gashumba yari Minisitiri w'ubuzima guhera mu kwezi kwa cumi mu 2016 - umwanya yagezeho asimbuye Dr Agnes Binagwaho wayoboye iyo minisiteri kuva mu 2011 akayivamo yirukanwe.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Mu byo Dr Gashumba yagizemo uruhare mu gihe cy'imyaka irenga itatu ku buyobozi, harimo n'ibikorwa byo gukumira ko indwara ya Ebola muri Repubulika ya Demokarasi ya Kongo igera mu Rwanda.
Kwegura kwe kuje gukurikira ukwa Evode Uwizeyimana wari umunyamabanga wa leta muri minisiteri y'ubutabera na Isaac Munyakazi wari umunyamabanga ushinzwe amashuri abanza n'ayisumbuye, batangajwe ko beguye ku wa gatanu ushize.
