Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Imiriyoni $75 zo kurwanya ihohoterwa ry'abagore muri Afrika y'epfo
Umukuru w'igihugu ca Afrika y'epfo, Cyril Ramaphosa, yatangaje umugambi wihutirwa ugamije guhangana n'ubugizi bwa nabi bufatiye ku gitsina.
Mu nama yihutirwa yahuje abashingamateka, Bwana Ramaphosa yavuze ko hariko haraba ingwano mbi igabwa ku bagore bo muri Afrika y'epfo.
Bwana Ramaphosa yabandanije avuga ko hageze ko igihugu ciyunga kikarwaniriza hamwe amabi akorerwa abagore.
Yavuze ko leta igiye gushinga ikigega c'amafaranga arenga imiriyoni mirongo indwi na zitanu z'amadorari aziyongera ku nteguro ya leta y'uno mwaka.
Ayo mafaranga azofasha mu bikorwa bitandukanye birimwo kwigisha abanyagihugu no kuronsa urwego rw'ubutungane inguvu zisununuye.
Yabandanije avuga ko igihano gihabwa abahamwe n'ivyaha kizokwongerwa, abahohoterwa nabo bitabweho kurusha.
Uwo mugambi kandi urimwo ingingo zigamije gufasha abagore kwisununura mu vy'ubutunzi.
