Umudepite muri Kenya yatawe muri yombi aregwa 'gukubita mugenzi we' w’umugore mu nteko
Ahavuye isanamu, Reuters
Umudepite wo muri Kenya yatawe muri yombi kuri uyu wa kane nimugoroba ashinjwa gukubita mugenzi we w'umugore kuko ngo atageneye amafaranga agace uyu ahagarariye.
Rashid Kassim arashinjwa gukubita inshyi Fatuma Gedi uba muri komisiyo y'imari. Bwana Kassim ntacyo aravuga ku byo aregwa.
Ifoto ya Depite Fatuma Gedi ari kurira ndetse ava amaraso mu kanwa bivugwa ko ari iyafashwe amaze kumukubita, yacicikanye ku mbuga nkoranyambaga.
Ibi bimaze kuba abagore bose b'abadepite bahise basohoka mu nteko mu gikorwa cyo kwamagana ibyabaye kuri mugenzi wabo.
Depite Kassim ahagarariye agace ka Wajir mu majyaruguru ashyira uburasirazuba bwa Kenya.
Arashinjwa gukubitira uyu mugenzi we aho imodoka zihagarara mu nyubako y'inteko ubwo yamubazaga impamvu atageneye amafaranga agace ahagarariye.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Depite Sabina Wanjiru Chege yabwiye BBC ko abadepite b'abagabo ibyabaye babiteyemo urwenya baseka abagore.
Yagize ati: "Bamwe muri bagenzi bacu b'abagabo bahise batangira kutunnyega bavuga ko ari umunsi wo kudukubita inshyi".
Avuga ko ibi byatumye abadepite b'abagore bahita basohoka mu nteko. Haburaga umwanya muto ngo minisitiri w'imari ageze ku nteko ingengo y'imari ya Kenya.
Aba bagore basabaga ko Bwana Kassim abazwa ibyo yakoze, nyuma yahise atabwa muri yombi.
Depite Sabina ati: "Twese turi abadepite…ntabwo twe turi munsi yabo".
