Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Abasirikare n'abapolisi ba Uganda baregwa gushimuta Joel Mutabazi bari mu butabera
Abagabo umunani barimo umwe w'umusirikare ufite ipeti rya koloneri n'abapolisi barindwi nibo bakurikiranwa n'urukiko rwa gisirikare muri Uganda baregwa gushimuta impunzi z'Abanyarwanda.
Bararegwa ko bagize uruhare mu gushimuta no kohereza mu Rwanda ku ngufu Joeli Mutabazi n'umuvandimwe we, Jackson Kalemera, bari barahungiye muri Uganda mu mwaka wa 2013.
Joeli Mutabazi yari umusirikare mu ngabo zishinzwe umutekano w'umukuru w'ighugu cy'u Rwanda.
Umushinjacyaha wa gisirikare, Major Raphael Magezi, ejo yabwiye AFP ko abo bagabo barezwe ko bashimuse maze bohereza mu Rwanda abo bantu batabifitiye uruhushya.
Amaze gushyikirizwa u Rwanda, Joel Mutabazi yarezwe mu rukiko rwa gisirikare ibyaha by'iterabwoba n'ubwicanyi maze akatirwa gufungwa burundu.
Umuvandimwe we yaburiwe irengero bamaze kumukuraho ibyaha yaregwaga.
Abo bantu uko ari umunani batawe muri yombi mu kwezi kwa gatandatu umwaka ushize.
