Misri yuguruye isengero nini cane mu karere k'uburasirazuba bwo hagati i Cairo

Inyandiko gusa
Papa Tawadros II w'i Alexandrie (i bubamfu) ariko arumviriza igihe prezida Abdel Fattah al-Sisi (i buryo) yariko arashikiriza ijambo mu misa mw'isengero rishasha ryari rihejeje kwugururwa 'Cathedral of Nativity' ku mugwa mugwa mukuru mushasha mu Misri

Ahavuye isanamu, EPA

Insiguro y'isanamu, Papa Tawadros II (I bubamfu) ni we yasomye imisa isaha zitandatu z'ijoro yarimwo prezida Abdel Fattah al-Sisi (i buryo)

Prezida Abdul Fattah al-Sisi yuguruye icese isengero nini cane ku mugwa mukuru mushasha wa politike uri mu buseruko bwa Cairo, inyuma y'umusi umwe ibombe iturikiye iruhande y'isengero y'aba kopute.

Iy sengero nshasha 'Cathedral of Nativity' yasomewemwo imisa ya mbere icungerewe bikomeye ku musi wa mungu, buca ari Noheli y'aba kopute.

Ku musi wa gatandatu, umupolisi yarapfuye ariko aragerageza gutegura bombe yari inyegeje mw'izeke mu gisagara ca Nasr inyuma y'igisagara ca Cairo.

Abakopute bagizwe n'ibice 10% vy'abanyagihugu ba Misri higanjemwo aba Islam benshi.

Benshi bavuga ko reta ibinuba kandi ko itabakingira bikwiye.

Igisirikare ca Misri gicungereye umutekano hanze y'iyo sengero nshasha iri ku mugwa mukuru mushasha wa politike

Ahavuye isanamu, EPA

Insiguro y'isanamu, Abaje gusenga bategerezwa guca mu vyuma bibasuzuma ko ata bigwanisho bitwaje

Prezida Sisi, yavuze ko avuganira abakristu bagirirwa nabi yabwiye abaje gusenga ko iyugururwa icarimwe ry'iyo sengero n'umusigiti wa Al-Fattah Al- Aleem vyerekanye ubutumwa bw'ubumwe.

Mu gihe yariko arugurura iyo sengero, ashaka kuvuga abanye Misri b'abakristu n'aba Islam, Sisi yagize ati:"Turi umwe kandi tuzoguma turi umwe."

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Abakristu bitavye ibirori vyo kwugurura isengero nini cane ku mugwa mukuru mushasha wa politike mu Misri itariki 6 z'ukwezi kwa mbere mu 2019

Ahavuye isanamu, AFP

Insiguro y'isanamu, Iyo sengero nshasha ishobora kwakira abantu 8.000
Abakristu bitavye ibirori vyo kwugurura isengero nini cane ku mugwa mukuru mushasha wa politike mu Misri itariki 6 z'ukwezi kwa mbere mu 2019

Ahavuye isanamu, AFP/Getty

Papa Francis yarungikiye ubutumwa Papa Tawadros II wa Alexandrie, umukuru w'ishengero ry'aba kopute, mu nyuma yaciye asoma misa isaha zitandatu z'ijoro

Skip Ibisomwa cane and continue reading
Ibisomwa cane

End of Ibisomwa cane

Papa Tawadros II wa Alexandrie yasomye misa y'ijoro rya Noheli muri iyo sengero nshasha ku mugwa mukuru mushasha wa politike mu Misri

Ahavuye isanamu, EPA

Insiguro y'isanamu, Papa Tawadros II yabwiye abaje gusenga ko ari ivyabona vy'iyugururwa ry'iyo sengero
Umukozi ariko arakoropa muri iyo sengero nshasha y'aba kopute iri ku mugwa mukuru mushasha wa politike

Ahavuye isanamu, Reuters

Insiguro y'isanamu, Iyo sengero nshasha isharijwe n'ibimenyetso vy'aba kopute, iri ku birometero 45 mu buseruko bwa Cairo

Umusigiti mushasha wa Al-Fattah Al-Aleem uzoshobora kwakira abantu bangana incuro zibiri z'abo muri iyo sengero, izo nyubakwa zose zikaba ziri kuri uwo mugwa mukuru mushasha uriko uratera imbere.

Abakozi bari ku mirimo hanze y'umusigiti mushasha wa Al-Fattah Al-Aleem ku mugwa mukuru mushasha wa politike ku birometero 45 mu buseruko bwa Cairo

Ahavuye isanamu, EPA

Abakozi bari ku mirimo hanze y'umusigiti mushasha wa Al-Fattah Al-Aleem ku mugwa mukuru mushasha wa politike ku birometero 45 mu buseruko bwa Cairo

Ahavuye isanamu, EPA

Aya mafoto yose yegukira abayafashe nk'uko vyanditsweko