Abaganga bo muri Nigeria bashoboye gutandukanya impanga zari zimaze amezi ane zifatanye
Ahavuye isanamu, Speaker's media office
Itsinda ry'abaganga bo muri Nigeria ku wa gatatu ryashoboye gutandukanya abana babiri b'impanga bari bavutse bafatanye.
Byabereye mu bitaro biri i Abuja, umurwa mukuru wa Nigeria.
Aba baganga bari bayoboye na Dr Nuhu Kwajafa, batangaje uko igikorwa cyo gutandukanya aba bana cyagenze neza, bavuga ko cyamaze amasaha menshi, mu bitaro bya Kaminuza ya Abuja.
Ahavuye isanamu, Speaker's media office
Aba bana babiri b'impanga z'abahungu, bavutse mu kwezi kwa gatandatu uyu mwaka, ariko ntibyashobotse guhita batandukanywa, kugeza ubu ubwo byashobotse bafite amezi ane.
