Impuguke mu buvuzi zo mu Bwongereza zivuga ko ubuki ari wo muti wa mbere w'inkorora

Amabwiriza mashya y'ikigo cy'ubuhanga mu buvuzi n'ay'ikigo cy'ubuzima byombi byo mu Bwongereza, asaba ko ubuki n'indi miti itari iyo kwa muganga ari byo bya mbere bikwiye gufatwa n'umurwayi w'inkorora.

Aya amabwiriza asaba abaganga kwandikira gacye gashoboka imiti igabanya ububabare abarwaye inkorora.

Impuguke mu buvuzi zo muri ibi bigo zivuga ko akenshi inkorora ihita yoroha ubwayo nyuma y'ibyumweru biri hagati ya bibiri na bitatu.

Aya mabwiriza yahawe abaganga, agamije gufasha mu guhangana n'ikibazo cy'ndwara zimwe na zimwe zisigaye zigarambana imiti igabanya ububabare ntizivure.

Izi mpuguke zivuga ko gukoresha imiti igabanya ububabare igihe n'imburagihe, bituma indwara zimwe na zimwe zigorana kuzivura, haremwa udukoko twa mikorobe duhangana n'iyo miti.