Umuhinde yisabiye inkwano y'ibiti vy'ivyamwa, yanka amahera

Inyandiko gusa
Ubukwe bw'Abahinde mu muji wa Mumabi mu kwezi kwa gatanu 2018

Ahavuye isanamu, Getty Images

Insiguro y'isanamu, Mu muco w'Abahinde, umugore niwe akwa umugabo

Umwigisha wo mu buseruko bw'Ubuhinde, yasavye umuryango w'umukobwa bakundana inkwano idasanzwe igihe bakora ubukwe kuwa gatandatu.

Mu bisanzwe mu muco w'Abahinde, umuryango w'umukobwa niwo uha inkwano umuryango w'umuhungu.

Sarojkanta Biswal, umwigisha w'ubumenyi kw'ishure rya Odisha, yasavye inkwano y'ibiti vy'ivyamwa birenga igihumbi, avuga ko akunda ibidukikije ngo ntashaka inkwano isanzwe itangwa.

Vyinshi muri ivyo biti yabikwirakwije mu banyagihugu baba mu kibano ciwe, kandi uwugiye kumubera umugore yavuze ko yabishimye.

Mu gihugu c'Ubuhinde gutanga inkwano birabujijwe n'amategeko, ariko uwo mugenzo uracakurikizwa henshi.

Usanga kenshi hasabwa inkwano zishingiye ku maronko, bagasaba ibintu vyinshi ku buryo iyo bitabonetse usanga kenshi umukobwa aca ahohoterwa, rimwe na rimwe akanicwa.