Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Netanyahu yahagaritse umugambi wo guha impapuro Abanyafrika
Umushikiranganji wa mbere wa Isiraheli, Benjamin Netanyahu, yahagaritse umugambi yari yatangaje kuwa mbere wo guha impapuro ibihumbi vy'Abanyafrika b'abimukira.
Ukuntu uwo mugambi wari utunganije, Isiraheli yari guha abo bimukira impapuro, ibihugu vy'iburaya navyo bigaca vyakira igigiri nk'ico nyene c'abimukira.
Ishami rya ONU rijejwe impunzi, HCR, ari naryo ryagiranye ayo masezera na Isiraheli, ryasavye bwana Netanyahu kudaheba uwo mugambi.
Uwo mwumvikano wabonwa nk'umuti wo gukemura ikibazo cari catejwe n'umugambi wa mbere, aho ibihumbi mirongo itatu vy'abimukira bari gusubizwa muri Afrika (mu Rwanda na Uganda) canke bagapfungwa.
Aya masezerano yashavuje abagira ku vyiyumviro vyegereye ubutagondwa bo mu runani ruri ku butegetsi rurongowe na bwana Netanyahu.
