Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Inyama za Afrika y'epfo zateye ibihugu bibanyi ubwoba.
Kuva ku munsi w'Imana habonetse ibimenyetso vy'ingwara ya Listeriose ku nyama zihinguye zimwe zimwe zituruka muri Afrika y'epfo, bituma bimwe mu bihugu bibanyi vyaco biziharira ivomo.
Igihugu ca Malawi casavye abadandaza batumako inyama muri Afrika y'epfo kuzikura mu maduka yabo.
Amaduka yo muri Afrika y'epfo yoyatanguye guta izo nyama.
Ingwara ya Listeriose yari imaze guhitana abantu bagera ku 180 muri Afrika y'epfo mu mwaka uheze.
Ishirahamwe mpuzamakungu rimenyesha ko bikekwa ko ari co kiza ca mbere gihitanye abantu benshi mw'isi yose.
Ingwara ya Listeriose itegwa n'agakoko ko mu bwoko bwa bacteria kitwa Listeria monocytogenes, kandurira mu bifungurwa vy'inyama canke amata atatetswe neza.
Iyo ngwara yigaragaza mu gutera umururumbo, ibimeze nk'ibicurane hamwe no kudahwa ndetse no gucibwamwo.
