Inteko ishinga amategeko ya Etiyopiya yaciye kurera abana bikozwe n'abanyamahanga

Inteko ishinga amategeko muri Etiyopiya yatoye itegeko ribuza abanyamahanga bashaka kurera abana bava muri icyo gihugu.

Hari bana b'abanya Etihiopia bajyanwe kurerwa n'abantu b'ibyamamare, barimo abakinnyi ba filimi rurangirwa nka Brad Pitt na Angelina Jolie.

Muri Ethiopiya, gufata umwana utabaye ukamurera nk'umwana wawe byakomeje guteza impaka zikomeye guhera mu mwaka wa 2013 ubwo umukobwa w'imyaka 13 yitabye imana muri Amerika mu buryo budasobanutse, bituma abantu bari bamubereye ababyeyi bahamwa icyaha.

Ubu inteko nshinga mategeko ya Ethiopiya yameje itegeko rihagarika abashaka kuba ababyeyi b'abana bo muri Ethiopiya.

Mu mwaka wa 2005, abakinnyi ba sinema, Brad Pitt na Angelina Jolie,babereye ababye umukobwa wabaye umwana wabo wa mbere.

Iryo tegeko rishya rikurikiye impungenge zavutse kubera abana b'abanyaethioipiya bafatwa nabi iyo bageze mu mahanga.

Abadepite baravuga ko impfubyi n'abandi bana bafite ibibazo, bagomba kwitabwaho hubahirijwe uburyo buri mu gihugu kugira ngo basdahohoterwa.

Ariko hari abadepite bagaragaje impungenge bavuga ko ari nta buryo buhagije buri mu gihugu bwo kwita kuri abo bana.

Hashize imyaka ibiri, igihugu cya Denmark gihagaritse gufata abana bo muri Etiyopiya ngo kubera impungenge z'uko bishoboka ko bikorerwamo ubucuruzi.