Iperereza ku kibazo cya Trump n'Uburusiya: Umunyamategeko avuga ko Mueller yabonye ubutumwa bwa email mu buryo butemewe

Umunyamategeko washyizweho n'itsinda ryafashije Donald Trump mu nzibacyuho yashinje umushinjacyaha ukora iperereza Robert Mueller kubona ubutumwa bwa email mu buryo bunyuranye n'amategeko.

Kory Langhofer yatangaje ibi mu ibaruwa yandikiye komite yo mu nteko ishinga amategeko iri gukora irindi perereza mu buryo Uburusiya bushobora kuba bwarivanze mu matora y'umukuru w'igihugu yo muri 2016.

Ariko umuvugizi wa Bwana Muller yavuze ko "uburyo buboneye mu iperereza ry'ibyaha" bwakurikijwe.

Bwana Muller ari gukora iperereza ku birego bifite isano n'ibikorwa byo kwiyamamaza bya Trump ndetse n'Uburusiya.