Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Amnesty ivuga ko guverinoma z'Uburayi zifite uruhare mu iyica rubozo ry'abimukira muri Libiya
Amnesty International yemeza ko za guverinoma zo mu Burayi zifite uruhare ku marorerwa akorerwa impunzi muri Libya.
Uyu muryango uharanira uburenganzira bwa kiremwamuntu ku isi, uvuga ibi kubera ko ngo izo guverinoma zifasha abacunga inkengero z'amazi ya Libya n'abayobozi b'ibigo abo bantu bafungiyemo mu gihugu.
Uwo muryango kandi urashinja bamwe mubacunga inkengero z'amazi muri Libya gukorana n'abacuruza abantu.
Mu 2016 Umuryango w'Uburayi wateye inkunga ibikorwa byo gucunga inkombe z'amazi.
Mu bihe byashize uwo muryango wakomeje kwemera ko impunzi ziri muri Libya zikorerwa ihohoterwa, ariko ushimangira ko watanze amafaranga yo gufasha kuzamura imibereho y'izo mpunzi no gufasha abashaka gusubira iwabo.
Benshi mu mpunzi ziri muri Libya bakorerwa iyica rubozo, ihohoterwa ndetse no gukoreshwa imirimo y'agahato n'abarwanyi, ari nabo bacunga byinshi mu bigo bifungiyemo izo mpunzi.
Uwo muryango urengera ikiremwamuntu uvuga ko amategeko y'Uburayi agamije guca burundu inzira iva muri Libya yerekeza mu Burayi abahunga bakoresha kandi mu buryo butemewe n'amategeko.
