Catalonia iratangira kuyoborwa na leta ya Espagne

Leta ya Espagne - ifite ikicaro i Madrid - iratangira uyu munsi kugenzura inzego z'ubutegetsi z'intara ya Catalonia nyuma yo kuvanaho leta n'inteko nshingamategeko by'ako karere.

Uwayoboraga iyo ntara, Carles Puigdemont, yasabye abayituye kwigomeka mu mahoro ku butegetsi bwa Espagne.

Amwe mu mashyirahamwe y'abakozi n'abanyeshuri yavuze ko ashobora gukora imyigaragambyo.

Kugeza ubu ntabwo bigaragara neza uko iyi ntara izakora mu minsi iri imbere.

Ubu amaso ahanzwe ahari ikicaro cya leta yayo kugirango abantu barebe niba Bwana Puigdemont aza ku kazi.

Yatewe ubwoba ko ashobora gutabwa muri yombi nyuma yo guhamagaza amatora ya kamarampaka atari yemewe n'amategeko.