Umwongereza afungiwe i Dubai azira kuduza urutoki rwo hagati

Inyandiko gusa
Jamil Ahmed Mukadam yavuze ko yadugije urwo rutoke "ashavujwe" n'umushoferi yamuciye imbere amubuza ko arengana

Ahavuye isanamu, Getty Images

Insiguro y'isanamu, Jamil Ahmed Mukadam yavuze ko yadugije urwo rutoke "ashavujwe" n'umushoferi yamuciye imbere amubuza ko arengana

Umugabo w'umwongereza yadugirije urutoke rwo hagati uwundi mushoferi i Dubai, ari mu minwe y'igipolisi yagirizwa inyifato y'ubusotozi.

Jamil Ahmed Mukadam, aturuka Leicester, avuga ko yakoze ivyo bitewe n'ishavu, igihe uwundi mushoferi amuciye imbere akamubuza kurengana kandi ariwe yari mu buryo.

Ivyo vyashitse mu kwezi kwa kabiri ariko afungwa itariki 10 z'ukwezi kw'icenda, asubiye i Dubai mu karuhuko ubugira kabiri.

Igitabo c'inzira ciwe caciye gifatwa, munyuma Bwana Mukadam abwirwa ko ategerezwa kuguma mu gisagara ngo bamucire urubanza.

Umuvugizi wo mu bushikiranganji bw'imigenderanire yavuze ati: "Turiko turafasha umugabo w'umwongereza afungiwe i Dubai, aguma avugana n'ubutegetsi."

Bwana Mukadam, akora mu butegetsi bw'Ubwongereza mu buhinga bw'itumanako, yavuze ko atari azi ko afise urubanza rumukurikirana igihe agarukiye i Dubai.

"Mfise ubwoba ko amahera ashobora kumperana imbere yuko nitaba sentare," niko yavuze.

"Nta muntu numwe yipfuza kumara amezi abiri canke arenga mu mahoteli y'i Dubai."

Skip Ibisomwa cane and continue reading
Ibisomwa cane

End of Ibisomwa cane

Jamil Ahmed Mukadam yafatiwe ku kibuga c'indege Dubai Airport agarutse mu karuhuko ubugira kabiri

Ahavuye isanamu, Getty Images

Insiguro y'isanamu, Jamil Ahmed Mukadam yafatiwe ku kibuga c'indege Dubai Airport agarutse mu karuhuko ubugira kabiri

Ishirahamwe "Detained in Dubai" (mfungiwe i Dubai) niryo ririko rirafasha Bwana Mukadam mu rubanza rwiwe.

Radha Stirling, arirongoye, avuga ko ishirahamwe ry'indege "United Arab Emirates" (UAE) arico kibanza abanyagihugu baturuka mu Bwongereza bakunda gufatigwamwo.