Umuhungu wa Perezida Jacob Zuma yahakanye ibirego bya ruswa

Inyandiko gusa
Duduzane Zuma ni umwe mu bana 21 ba Perezida Jacob Zuma w'Afurika y'epfo
Insiguro y'isanamu, Duduzane Zuma ni umwe mu bana 21 ba Perezida Jacob Zuma w'Afurika y'epfo

Duduzane Zuma, umuhungu wa Perezida Jacob Zuma w'Afurika y'epfo, yahakanye ibirego bya ruswa nubwo bwose afitanye umubano wa hafi n'abanyemari batavugwaho rumwe b'aba Gupta.

Duduzane Zuma yabwiye BBC ko "nta kintu na kimwe kitaboneye" kiri mu mubano ushingiye ku bucuruzi afitanye n'umuryango w'aba Gupta.

Ubutumwa bwo kuri interineti bwatangajwe mu buryo butahawe uruhushya, bujyanye n'umuryango wa Perezida Zuma n'aba Gupta, bwatumye habaho iperereza ku kureba niba uwo muryango wivanga mu butegetsi bw'Afurika y'epfo.

Perezida Zuma n'umuryango w'aba Gupta bamye babihakana, bavuga ko nta kibi bakoze.

Mu kiganiro cyihariye yagiranye n'umunyamakuru wa BBC Milton Nkosi, Duduzane Zuma yavuze ko umubano we n'abakire b'aba Gupta nta kindi ushingiyeho kindi kitari uko we ari "umusore w'igikundiro".

Duduzane Zuma, umwe mu bana 21 ba Perezida Zuma, yashimangiye ko atarya ruswa.