Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Ubwirakabiri 2017: Abanyamerika baraye barangamiye ibitangaza by'ikirere
Igicucu kinini cy'ukwezi cyagaragaye muri Leta Zunze Ubumwe z'Amerika ubwo ukwezi kwacaga imbere y'izuba, kuva muri leta ya Oregon mu burengerazuba kugera muri leta ya South Carolina mu burasirazuba.
Abanyamerika babarirwa muri za miliyoni bitabiriye kureba ubwo bwirakabiri, bifashishije indorerwamo zabugenewe.
Bwabaye ubwirakabiri bwuzuye bwa mbere bubonetse muri leta 48 mu myaka 38 ishize.
Ni nabwo bwa mbere bwambukiranyije impera zombi z'Amerika kuva mu mwaka wa 1918.
Ibice bimwe by'Uburayi bw'uburengerazuba nabyo byari byitezwe kubona ubwo bwirakabiri. Mu gihugu cy'Ubufaransa no mu birwa bya Canary ho ngo bwagaragaye cyane.
Ubwirakabiri bwuzuye butaha bwitezwe ku itariki ya 2 y'ukwezi kwa 7 mu mwaka wa 2019.
Byitezwe ko buzaboneka hejuru y'ibihugu bya Chili na Argentina, no hejuru y'amajyepfo y'inyanja ya Pasifika.
