Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Burundi: ONU irasaba impande zose gushyigikira ibiganiro
Umuryango w'abibumbye wasabye impande zose mu kibazo cya politiki gishingiye ku matora kivugwa mu Burundi gushyigikira ibiganiro by'amahoro bigamije kubonera umuti icyo kibazo.
Leta ya Perezida Pierre Nkurunziza yanze kwicarana ku meza y'ibiganiro bibera muri Tanzania nabo ivuga ko bagerageje kuyihirika.
Mu cyegereranyo umunyamabanga mukuru wa ONU, Antonio Guterres, yagejeje ku kanama ka ONU gashinzwe umutekano ku isi, asaba abarebwa bose n'ikibazo kivugwa mu Burundi gushyira inyungu z'igihugu imbere y'izabo ku giti cyabo.
Bwana Guterres kandi abasaba kwitabira nta mananiza ibiganiro biyobowe n'umuryango wa Afurika y'uburasirazuba.
Yanavuze ko ONU izakomeza gushyigikira ibikorwa byose bigamije kubonera umuti ikibazo cya politiki kivugwa mu Burundi binyuze mu nzira y'amahoro muri gahunda yo kubumbatira umutekano w'akarere.
