Koffi Olomide mu ndirimbo nshya ati: “mugume mu nzu nko mu bihe by’intambara”
Ahavuye isanamu, koffi olomide
Ati: "Ni agakoko kataboneka kandi kica, abiga ubuvuzi bari kugerageza ariko ntibarabona umuti cyangwa urukingo"
Ni indirimbo nshya y'umuhanzi Koffi Olomide w'imyaka 63, icyamamare muri muzika muri Afurika.
Araririmba ububi bw'iki cyorezo kimaze kwica abantu ubu barenga 34,000 ku isi mu mezi atatu gusa.
Ati: "Virus iri hanze hose, nitugume mu nzu nko mu bihe by'intambara, uyu mwanzi ntagaragara…Tugume mu rugo".
Iyi ndirimbo Koffi Olomide yayise "Coronavirus Assassin"
Iyi nkuru irimwo ivyatanzwe na Google YouTube. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha Google YouTube amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya YouTube ubutumwa
Koffi akurikiye abandi bahanzi nka Fally Ipupa, na Bobi Wine afatanyije na Nubian Li baherutse gusohora indirimbo bise "Coronavirus Alert" .
Ubutumwa kuri iki cyorezo mu ndirimbo buheruka gutangwa na Pereizda George Weah wa Liberia nawe wasohoye indirimbo.
Mu Rwanda abahanzi batandukanye barimo Mani Martin na Jay Polly baheruka gufatanya indirimbo ivuga kuri iki cyorezo.
Ibi byakozwe kandi n'abahanzi Oda Pacy afatanyije na Alto.
Mu Burundi, umuhanzi witwa T Dric nawe yasohoye indirimbo ivuga kuri iki cyorezo.
Muri muzika, iki cyorezo kimaze guhitana abahanzi Manu Dibango na Aurlus Mabele, abanyamuziki bazwi muri Afurika.
