Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Minisitiri w’ubuzima avuga ko Malaria atari icyorezo mu Burundi, imibare ikavuga ibindi
Ubutegetsi bw'u Burundi bwatangaje ko kuva mu kwezi kwa mbere uyu mwaka abantu miliyoni 4,3 barwaye malaria muri bo igahitana 1400, gusa ngo ntabwo iraba icyorezo.
Muri iki cyumweru, ishami rya ONU rishinzwe ubutabazi ryatangaje ko mu Burundi malaria imaze guhitana abantu 1800 kuva uyu mwaka utangiye, ikavuga ko iyi mibare irenze ikigero cy'uko indwara yitwa icyorezo.
Ishami ry'umuryango w'abibumbye ryita ku buzima (OMS) naryo ryemeza ko kuva mu cyumweru cya mbere cy'ukwezi kwa mbere kugera mu mpera y'ukwezi gushize kwa karindwi, abantu barenga miliyoni eshanu mu Burundi barwaye malaria - ni hafi 1/2 cy'abatuye iki gihugu.
Mu kiganiro n'abanyamakuru, Minisitiri w'ubuzima Dr Thaddée Ndikumana yasobanuye ko malaria mu Burundi ubu atari icyorezo agereranyije n'imibare yo mu 2017 ubwo iyi ndwara ubutegetsi bwemezaga ko yabaye icyorezo.
Dr Ndikumana yavuze ko mu 2017 mu Burundi abandi miliyoni 4,9 barwaye malaria ikica abantu 4,300 mu mezi atandatu, naho kugeza ubu muri uyu mwaka abayirwaye ari miliyoni 4,3 naho abo yishe ari 1,400, nkuko bivugwa n'ikinyamakuru Nawe cyo mu Burundi.
Iyo indwara itangajwe nk'icyorezo mu gihugu hafatwa ingamba zikomeye kandi zidasanzwe mu kuyirwanya.
Indwara ya Ebola iheruka gutangazwa nk'icyorezo gihangayikishije isi, nubwo ivugwa mu burasirazuba bwa Kongo aho imaze guhitana abarenga 1800 kuva mu kwezi kwa munani umwaka ushize.
