Umuririmvyi wa rap, Kanye West yahinduye izina, ubu yitwa 'Ye'
Ahavuye isanamu, PA
Mu butumwa yacishije kuri Twitter ku munsi wa gatandatu, Kanye West yanditse ati: "Nzwi kw'izina rya Kanye West. Ubu ndi Ye."
West w'imyaka 41, yari amaze igihe atazigwa Ye, akaba yakoresheje iryo zina kuri albumu yiwe y'umunani, yasohoye mu kwezi kwa gatandatu.
Ahinduye iryo zina mu gihe vyitezwe ko akora igiteramo ku munsi wa gatandatu, aho azotanguza albumu yiwe nshasha Yandhi.
West avuga ko iryo zina rishasha rifise insiguro ku bemera Imana.
"Ndemera ko 'ye' ari ijambo rikoreshwa cane muri bibiliya, hanyuma muri bibiliya rigasigura 'you' (wewe)", niko West yavuze mu ntango z'uno mwaka, aharira n'uwuremesha ibiganiro kuri radiyo Big Boy ku zina yoha albumu yiwe.
"Kur'ivyo ndi wewe, ndi twebwe, ni twebwe. Vyaturutse ku zina Kanye risigura niwe wenyene, rigiye kuri Ye - vyerekana iciza cacu, ikibi cacu, ibidasobanutse, vyose. Iyo albumu yerekana uwo turi."
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Ni umwe mu baririmvyi bakomeye ba rap bahinduye amazina.
Sean Combs yahora azwi kera ku zina rya Puff Daddy, P. Diddy canke Diddy, ariko uno mwaka akavuga ko yohitamwo amazina Love na Brother Love.
