Abongereza babiri bashobora kuba banyururijwe muri Kongo

Inyandiko gusa
Park ya Virunga ikundwa n'ingezi ariko kandi hari imigwi y'abarwanyi ihakorera

Ahavuye isanamu, Getty Images

Insiguro y'isanamu, Park ya Virunga ikundwa n'ingezi ariko kandi hari imigwi y'abarwanyi ihakorera

Amakuru ava muri Republika Iharanira Demokrasi ya Kongo avuga ko hari urukurikirane rw'imiduga y'abakerarugendo yagabweko igitero muri park ya Virunga.

Uko vyagenze ntibiramenyekana neza, ariko bivugwa ko umurinzi umwe yishwe, abakerarugendo babiri hamwe n'umushoferi wabo baranyuruzwa.

Ubushikiranganji bw'Ubwongereza bujejwe imigenderanire n'amakungu buvuga ko buri gutohoza ku makuru avuga ko abo bakerarugendo babiri ari Abongereza.

Ingagi z'imisozi ziba muri park ya Virunga ziri mu bikwega ingenzi nyinshi

Ahavuye isanamu, Getty Images

Insiguro y'isanamu, Ingagi z'imisozi ziba muri park ya Virunga ziri mu bikwega ingenzi nyinshi

Iyo park ikundwa n'abakerarugendo, ikaba kandi izwi cane kubera ingagi zo mu misozi zibayo, ariko kandi hari imigwi myinshi y'abarwanyi ihakorera.

Mu kwezi guheze abarinzi batanu hamwe n'umushoferi biciwe mu gitero bagabweko bubikiriwe.