Zimbabwe: Mnangagwa yahowe kubaza igihe Mugabe azopfira

Inyandiko gusa
Robert Mugabe yiyemeje guhiga abamugwanya mu mugambwe

Ahavuye isanamu, AFP

Insiguro y'isanamu, Robert Mugabe yiyemeje guhiga abamugwanya mu mugambwe

Prezida Robert Mugabe w'imyaka 93, uno munsi yashimikiye ku cegera ciwe, Emmerson Mnangagwa, aheruka gukura mu mabanga, asigurira isinzi ry'abantu igituma yafashe iyo ngingo.

Umumenyeshamakuru wa BBC Shingai Nyoka, aravuga amajambo yabishikirijemwo:

"Nta nzira za hafi zibaho iyo umuntu ashaka kurongora abanyagihugu...

"Kuva kera twari tuzi ico [Mnangagwa] ari. Ariko twagerageje guhitamwo kubakingira.

"Yagiye mw'isengero ry'abahanuzi kubaza igihe Mugabe azopfira. Ariko abwigwa ko ariwe azotangura gupfa.

Yiyumviye ko kuba ari hafi yanje, ko nzomuhaka nkamushira ku bukuru bw'igihugu. Ariko sinapfuye, sinatanze imihoho.

Ntiyari umuntu mushasha mu muhari wacu, ku buryo twovuga ko yariko ariga. Twizeye ko tugiye kurondera abo bari kumwe muri uwo mugambi."

Grace Mugaba niwe anugwanugwa gusubirira umugabo Robert Mugabe, inyuma yaho uwahora ari icegera ciwe Emmerson Mnangagwa (i buryo) akuriwe mu mabanga

Ahavuye isanamu, Reuters

Insiguro y'isanamu, Grace Mugaba niwe anugwanugwa gusubirira umugabo Robert Mugabe, inyuma yaho uwahora ari icegera ciwe Emmerson Mnangagwa (i buryo) akuriwe mu mabanga