Nod pob cartref yw lleihau'r lefelau carbon diocsid a gynhyrchir ganddynt ac arbed arian yr un pryd. I gyflawni hyn, maen nhw'n cael cymorth gan yr arbenigwr amgylcheddol, Peredur ap Tomos o Ganolfan y Dechnoleg Amgen ger Machynlleth a'r arbenigwr ariannol Mererid Archer o KTS Owens Thomas.

Eu hanogaeth - os oes angen un ar bobl sydd i gyd yn poeni am ddyfodol y blaned - yw y bydd y cartref sy'n lleihau eu mesur carbon fwyaf erbyn diwedd y gyfres yn ennill gwyliau wedi'u teilwra'n arbennig ar eu cyfer. Meddai'r cynhyrchydd Iwan England, "Ro'n i am greu cyfres deledu a oedd yn rhoi gwybodaeth ddefnyddiol, ymarferol am fod yn wyrdd a chynnig adloniant hefyd. Y nod yw lleihau'r difrod i'r amgylchedd ond ry'n ni'n dod i nabod ycymeriadau hefyd yn Ffordd Newydd o Fyw. Byddwn yn chwerthin gyda nhw wrth iddynt ymgymryd â phrosiectau DIY gwahanol.

"Neges y gyfres yw bod pawb yn gallu cymrydcamau bach syml i arbed ynni a lleihau difrod i'r amgylchedd a bod tipyn bach gan lawer yn gallu gwneud gwahaniaeth."

Fe ddewiswyd amrywiaeth eang o bobl o bob oed a chefndir a chartrefi gwahanol iawn - y dinesig, y trefol, y gwledig, a'r arfordirol - er mwyn cynnig croestoriad o boblogaeth Cymru.

Mae Lis McLean, ei gŵr Huw a'u dwy ferch Delyth 13 a Bethan, 7 yn byw mewn tŷ teras ym Merthyr Tudful. A fyddant yn gallu troi'n wyrdd ac arbed arian trwy brynu mewn siopau lleol?

Mae pob pennod o'r gyfres, a noddir gan Gynllun Craff am Wastraff _ Waste Awareness Wales, yn canolbwyntio ar themâu gwahanol - o ailgylchu i insiwleiddio, o drafnidiaeth i fwyta'n wyrdd ac arbed ynni.

Fe lansir y wefan werdd fwyaf cynhwysfawr erioed yn yr iaith Gymraeg - www.fforddnewydd.co.uk - i gyd-fynd â'r gyfres.

FFORDD NEWYDD O FYW, Nos Fawrth, 9.00pm ar S4C.