ဥတုပြောင်းလဲမှုကြောင့် တရုတ်မှာ ထိခိုက်မှုတွေရှိ

တရုတ် ရာသီဥတု ဆိုင်ရာ ဌာနရဲ့ အကြီးအကဲက ရာသီဥတု ပြောင်းလဲမှုကြောင့် တရုတ်ပြည်မှာ ရိုက်ခတ်မှုတွေ ရှိနေပြီး ပိုကြီးမားတဲ့ ပြဿနာတွေကို ရင်ဆိုင်သွား ရဖွယ်ရှိတယ်လို့ ပြောလိုက်ပါတယ်။

ကျန်းဂေါင်ဂွမ်းက တရုတ်ပြည်မှာ မိုးခေါင်ရေရှားမှုတွေ တိုးလာသလို ၊ မုန်တိုင်းတွေလည်း ပိုဝင်လာကြောင်း နဲ့ အပူချိန်တွေလည်းမြင့်တက်လာနေတဲ့အကြောင်းပြောပါတယ်။

အဲဒါကြောင့် မြစ်ရေ စီးနှုန်းမမှန်တာတွေ၊ သီးနှံအထွက်နည်းတာတွေ ကြုံရတဲ့အပြင် အခြေခံအဆောက်အအုံတွေမှာပါ ထိခိုက်မှုတွေရှိလာစေတယ်လို့ ပြောပါတယ်။

ဆက်လက်ပြီး အနာဂတ်မှာ တရုတ်အနေနဲ့ ကာဘွန်ထုတ်လုပ်မှု လျှော့ချနိုင်ဖို့ လုပ်ဖို့ လိုကြောင်းပြောပါတယ်။

တရုတ်က သူ့ရဲ့ဖန်လုံအိမ် ဓာတ်ငွေ့ ထုတ်လုပ်မှုတွေဟာ လာမယ့် ၂၀၃၀ မှာ အမြင့်ဆုံးကို ရောက်နိုင်မယ်လို့ မှန်းထားပါတယ်။