အီရတ် ဗုံးခွဲမှုတွေ တိုးလာ၊ အများအပြား သေဆုံး

အီရတ် နိုင်ငံမှာ ကားဗုံးခွဲ တိုက်ခိုက်မှုတွေ တိုးပွားလာနေပြီး ဘဂ္ဂဒက် မြို့တော်နဲ့ ဟေလာ မြို့တွေမှာ အဓိက ပစ်မှတ်ထား တိုက်ခိုက်ခံ နေရပါတယ်။

ဘဂ္ဂဒက် တောင်ဘက်မှာ တည်ရှိတဲ့ ဟေလာ မြို့က ကျန်းမားရေးဌာနတွေရဲ့ သတင်းတွေအရ ဆေးရုံကြီးမှာ အခုအချိန်အထိ ကားဗုံးဖေါက်ခွဲမှု ၇ ခု ကြောင့် အလောင်း ၃၅ လောင်း ရရှိထားပြီလို့ ပြောပါတယ်။

ဘဂ္ဂဒက်မြို့မှာလည်း ရှီယာ မွတ်ဆလင်တွေ အဓိက နေထိုင်ရာအရပ်မှာ တိုက်ခိုက်ခံခဲ့ရပြီး လူ ၁၄ ဦး သေဆုံးသွားပါတယ်။

ပြီးခဲ့တဲ့လကလည်း ရှီယာတွေနဲ့ အစိုးရပိုင်းကို အဓိကထား တိုက်ခိုက်ခဲ့တဲ့ အကြမ်းဖက်မှုတွေကြောင့် လူပေါင်း ၁ ထောင်ကျော် သေဆုံးခဲ့ရပြီး ဖြစ်ပါတယ်။