ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
CIA အသုံးပြုတဲ့ လျှို့ဝှက်နည်းတွေကို Wikileaks ဖွင့်ချ
အင်တာနက် အချက်အလက်တွေကို ခိုးဝင် ကြည့်ရာမှာ အမေရိကန် CIA ထောက်လှမ်းရေး အဖွဲ့ အသုံးပြုတဲ့ ထိပ်တန်းလျှို့ဝှက်နည်းတွေကို ဖေါ်ပြထားတယ်ဆိုတဲ့ လျှို့ဝှက် စာရွက်စာတမ်း ထောင်ပေါင်းများစွာကို Wikileaksက ထုတ်ပြန်လိုက်ပါတယ်။
သီးခြားလွတ်လပ်စွာ အတည်မပြုရသေးတဲ့ အဲဒီ စာရွက်စာတမ်းတွေထဲမှာ smart phones တွေနဲ့ ကွန်ပြူတာတွေကို ပစ်မှတ်ထားတဲ့ softwareရဲ့ အသေးစိတ်အချက်အလက်တွေကို ဖေါ်ပြထားပါတယ်။
စာရွက်စာတမ်း တနေရာမှာ ဆိုရင် CIA ထောက်လှမ်းရေး အဖွဲ့ ဟာ ဗြိတိသျှ ထောက်လှမ်းရေးတွေနဲ့ ပေါင်းပြီး Samsung smart TVs တွေကို နားထောင်လို့ ရတဲ့ ကိရိယာပစ္စည်းတွေအဖြစ် ပြောင်းလို့ရအောင် အဲဒီ TV တွေထဲက အချက်အလက်တွေကို ထိုးဖောက် ခိုးဝင်ကြည့်ခဲ့ကြတယ်လို့ ဖေါ်ပြထားပါတယ်။
