ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
ဖလော်ရီဒါမှာ ပစ်ခတ်မှု ဖြစ်ပွား
အမေရိကန် နိုင်ငံ၊ ဖလော်ရီဒါ ပြည်နယ် က ဖို့ဒ် လော်ဒါဒေး လေဆိပ်မှာ သေနတ် သမား တစ်ယောက်က ပစ်ခတ်မှုတွေ လုပ်ခဲ့တဲ့ အတွက် လူ ၅ ယောက် သေဆုံး ခဲ့ရပါတယ်။
လေဆိပ် ဂိတ်အမှတ် (၂) က ခရီးသည်တွေရဲ့ အထုပ်အပိုး တွေ ထားတဲ့ နေရာမှာ ပစ်ခတ် တိုက်ခိုက်မှု တွေ ဖြစ်ပွားခဲ့ တာလို့ လေဆိပ် တာဝန် ရှိသူ က ပြော ပါတယ်။
ခရီးသည် ရဲ့ အထုပ်အပိုးတွေ ထားတဲ့ နေရာနဲ့ မလှမ်းမကမ်းက ကွန်ကရစ် လမ်း ပေါ်မှာ လူတွေ ပိတ်မိနေကြပါတယ်။
အခင်းဖြစ်ပွားရာ နေရာမှာ ရဲတွေ နဲ့ လူနာတင် ကားတွေ ရောက်ရှိနေပြီး ဒဏ်ရာ ရရှိ ခဲ့သူ တွေကို အကူအညီပေးနေပါတယ်။
လောလောဆယ်မှာ လူ တစ်ယောက်ကို ဖမ်းဆီး ထားတယ်လို့ ဘရိုဝဒ် ရဲဌာန က ပြောပါတယ်။
