ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
နေတိုးတပ်ဖွဲ့ထဲက တူရကီ အရာရှိတွေ ခိုလှုံခွင့်တောင်း
တူရကီနိုင်ငံမှာ ဇူလိုင်လက မအောင်မြင်တဲ့ အာဏာသိမ်းမှု ပေါ်ပေါက်ခဲ့အပြီးမှာ နေတိုး တပ်ဖွဲ့ဝင် တူရကီ အရာရှိတွေက နိုင်ငံရေး ခိုလှုံခွင့်တွေ တောင်းခဲ့ကြတယ်လို့ နေတိုး အတွင်းရေးမှူးချုပ် Jens Stoltenberg က ပြောပါတယ်။
အဲဒီ တူရကီ အရာရှိတွေဟာ သူတို့ တာဝန်ကျရာ နိုင်ငံ အသီးသီးမှာ ခိုလှုံခွင့်တွေ တောင်းခံ ခဲ့ကြတာလို့ နေတိုး အတွင်းရေးမှူးချုပ်က ပြောပြီး၊ သူတို့ရဲ့ အမည်တွေနဲ့ ခိုလှုံခွင့် တောင်းတဲ့ အကြောင်းပြချက် တွေကိုတော့ ထုတ်ပြော မသွားပါဘူး။
အဲဒီလို ခိုလှုံခွင့် တောင်းခံမှုတွေအတွက် ပတ်သက်ရာ နိုင်ငံတွေက သီးခြားစီ လက်ခံ စဉ်စားကြဖို့ ရှိပါတယ်။
အာဏာသိမ်းဖို့ ကြိုးပမ်းမှု ဖြစ်ပွားအပြီး ဇူလိုင်လ နောက်ပိုင်းမှာ တူရကီ အစိုးရက သောင်းနဲ့ချီတဲ့ အစိုးရ ဝန်ထမ်းကို ထုတ်ပယ် ထိန်းသိမ်း ဖမ်းဆီးခဲ့ပါတယ်။
အဲဒီ ဝန်ထမ်းတွေ ထဲမှာ စစ်တပ်ထဲက အများအပြား ပါဝင်သလို ကျောင်းဆရာတွေ၊ ရဲတပ်ဖွဲ့ဝင်တွေ၊ တရားသူကြီးတွေနဲ့ သတင်းသမားတွေလည်း ပါဝင်ပါတယ်။
