ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
ကန်နိုင်ငံခြားရေးဝန်ကြီး လန်ဒန်မှာ ဆီးရီးယားအရေး ဆွေးနွေး
ဒီကနေ့မှာ အမေရိကန် နိုင်ငံခြားရေးဝန်ကြီး ဂျွန်ကယ်ရီက လန်ဒန်မှာ ဗြိတိန်၊ ဂျာမဏီနဲ့ ပြင်သစ်နိုင်ငံခြားရေး ဝန်ကြီးတွေနဲ့ ဆီးရီးယားမှာ အပစ်အခတ်ရပ်စဲရေးကိစ္စအတွက် ဆွေးနွေးမှာ ဖြစ်ပါတယ်။
ဒီဆွေးနွေးပွဲမတိုင်ခင်မှာလည်း မစ္စတာကယ်ရီက ရုရှားနိုင်ငံခြားရေးဝန်ကြီးနဲ့ ဆွစ်ဇာလန်မှာ ဒီကိစ္စကို ဆွေးနွေးခဲ့ပြီး ဖြစ်ပါတယ်။
ဆွစ်ဇာလန်က ဆွေးနွေးပွဲမှာ ဆော်ဒီအာရေးဗီးယား၊ အီရန်နဲ့ တူရကီတို့က ကိုယ်စားလှယ်တွေ လည်း တက်ရောက်ခဲ့တာ ဖြစ်ပါတယ်။
ဒီဆွေးနွေးပွဲမှာ အဖြေအတိအကျ မထွက်ခဲ့ပေမယ့် ဆွေးနွေးခဲ့တဲ့ ချဉ်းကပ်ပုံအသစ်တွေကနေ အဖြေရှာနိုင်မယ်လို့ မစ္စတာ ကယ်ရီနဲ့ ရုရှားနိုင်ငံခြားရေးဝန်ကြီး ဆာဂေး လက်ဗရော့တို့က မျှော်လင့်နေကြပါတယ်။
