Hatrick i Natasha Harding o Gaerdydd
Hatrick i Natasha Harding o Gaerdydd, a hyn in gyd o fewn deugain munud, ac un yr un gan Sarah Wiltshire (Watford) a Hannah Keryakoplis (Lerpwl)
Buddugoliaeth haeddiannol i berfformiad grymus merched Cymru ar Gae Ras Prifysgol Glyndwr yn erbyn Israel nos Fercher, o flaen torf o 721.
Golyga hyn fod Cymru wedi symud i ail safle yng Ngrŵp 4 wrth geisio cymhwyso ar gyfer cystadlu yn rowndiau terfynol Ewro 2013 yn Sweden.
Doedd dim dadlau nad oedd Cymru ben ac ysgwydd yn well na'u gwrthwynebwyr gyda chapten Cymru, Jessica Fishlock o glwb Academi Bryste yn dangos arweiniad a phendantrwydd yng nghanol y cae. Yn y cefn, dangosodd Nia Jones o Gaerdydd (gynt o dîm Northophall) gadernid effeithiol wrth sicrhau nad oedd ymosodiadau prin yr Israeliaid ddim yn treiddio'n drwy fôr coch amddiffyn Cymru.
Ymlaen i fis Medi- a gêm a allasai fod yn dyngedfennol yn erbyn yr Alban, sydd yn drydydd ond wedi chwarae dwy gêm yn llai, yng Nghymru(y lleoliad heb ei benderfynu eto).
Ffrainc sydd ar y brig, ac yn debygol iawn o ennill y grŵp - ond gyda'r ail dîm yn cymhwyso ar gyfer y gemau ail gyfle yn yr Hydref, mae popeth i'w chwarae amdano ar ddechrau'r tymor nesaf.
Cymru 5 - Israel 0
Trin a thrafod y byd pêl-droed yn ffordd unigryw criw 
