Ydi hi ar ben ar y grefft o benio?
Enillodd Wayne Rooney y gêm i Manchester United yn erbyn Manchester City efo peniad nos Fercher, ond does dim llawer o goliau yn cael eu sgorio y dyddiau yma wrth i rhywun ddeifio ymlaen a phlannu'r bêl i gefn y rhwyd a'i dalcen - y 'diving header' fel y caiff ei alw.
Pan mae goliau yn cael eu sgorio yn y modd yma, maen nhw, gan amlaf yn rhai bythgofiadwy.
Un o'r goliau orau a welodd Wembley erioed oedd peniad Keith Houchen wrth sgorio i Coventry yn Ffeinal Cwpan FA Lloegr yn 1987 yn erbyn Tottenham.
Tybed beth sy'n egluro diffyg amlygrwydd cyson y sgil yma'r dyddiau yma.
Faint o hyfforddiant ar benio yma mae chwaraewyr ifanc yn eu cael?
Pan oeddwn yn hyfforddi yn yr Unol Daleithiau, roedd y cwmni a oedd yn fy nghyflogi, wedi creu rhaglen hyfforddiant a oedd yn rhoi bore cyfan i ddysgu plant sut i benio'r bêl yn gywir.
Cawsant wybod yn ddigon buan na fyddai hyn yn digwydd, gan mai cur yn y pen yn hytrach na meistroli'r grefft o benio, a fyddai'r tebygolrwydd !
Gyda chymaint o bobol yn dod yn ymwybodol o beryglon hir dymor penio, yn enwedig i blant ifanc wrth iddynt dyfu, synnwn i ddim bod llawer o'n hyfforddwyr cyfoes yn meddwl dwywaith am hyfforddi'r gamp yma erbyn heddiw.
Ydych chi'n credu fod lle i hyfforddi penio'r bel i'r ifanc wrth iddynt dyfu i fyny, neu a ydi penio wedi dod yn gelfyddyd coll yn sgil rheolau cyfoes iechyd a diogelwch?
Trin a thrafod y byd pêl-droed yn ffordd unigryw criw 
