Troseddau’n gysylltiedig â threfoli yn y 19eg ganrif
Troseddau trefol
Lladrata oedd fwyaf cyffredin yn y trefi a’r dinasoedd diwydiannol newydd. Roedd nifer o droseddau yn digwydd yn fwy rheolaidd mewn ardaloedd a elwid yn Ardaloedd slym o’r dinasoedd lle roedd tlodi a throseddu yn uchel.. Roedd ardaloedd megis 'China' ym Merthyr Tudful yn enghreifftiau o nythleoedd.
Mathau o ladrata trefol
Pigo pocedi oedd un o’r mathau o ladrata mwyaf cyffredin yn y dinasoedd diwydiannol. Nid oedd yn drosedd newydd, ond roedd maint y dinasoedd yn rhoi mwy o gyfleoedd i rai oedd yn pigo pocedi.
Roedden nhw'n gweithio ble bynnag yr oedd yna dyrfaoedd mawr. Roedd y tyrfaoedd mewn dienyddio cyhoeddus yn aml yn darged i rai oedd yn pigo pocedi. Bydden nhw'n dwyn pyrsiau neu hancesi poced. Roedd yr eitemau eraill oedd yn cael eu dwyn yn cynnwys watsys poced oddi ar eu cadwyni ar wasgodau a phinnau a thlysau oddi ar wisgoedd merched.
Rhoddwyd cyfleoedd i dwyllwyr yn dilyn datblygu’r rheilffyrdd. Roedden nhw'n twyllo buddsoddwyr ac yn gwneud deliau ariannol ffug mewn cwmnïau rheilffyrdd.
Puteindra
Nid oedd puteindra yn rhywbeth newydd. Ond yn y 19eg ganrif roedd yna fwy o bryder am ecsbloetio menywod ym mhuteindai Llundain. Nododd adroddiad gan Bwyllgor Dethol yn 1882 bod puteindra ar gynnydd yn Llundain a bod merched ifanc yn gynyddol yn cael eu denu at buteindra.
Llofruddiaeth a Jack the Ripper
Roedd y gyfradd lofruddiaeth yn llai na 400 y flwyddyn, a gostyngodd ymhellach ar ôl 1890. Nid oedd llofruddiaeth yn drosedd gyffredin, ond cynyddodd y diddordeb mewn llofruddiaeth yn ystod y 19eg ganrif. Roedd nifer o bobl yn dilyn treialon llofruddiaeth yn y papurau newydd ac yn ymweld â’r ‘chamber of horrors’ yn Madame Tussaud's ar Baker Street.
Yn ystod y 1850au a’r 1860au roedd yna gyfres o Tagu gyda weiren denau iawn., a arweiniodd at banig ymysg y cyhoedd.
Yn ystod y 1880au achosodd Jack the Ripper ddiddordeb tywyll mewn llofruddiaeth hefyd. Roedd yn lladdwr cyfresol a laddodd ac a Rhwygo neu dynnu rhannau o’r corff. bump o ferched yn Nwyrain Llundain yn ystod y 1880au. Roedd yn lladd yn yr ardal o Lundain a elwir yn 'filltir sgwâr ddieflig' oedd yn cynnwys Whitechapel, Aldgate a Spitalfields. Roedd hon yn hofel o ardal, yn llawn mwg o ffatrïoedd a strydoedd ac aleon cul. Ni ddaliwyd Jack the Ripper, a hyd heddiw nid oes neb wedi cadarnhau pwy oedd.
