Ffactorau sy’n cyfyngu ar ffotosynthesis
Mae nifer o ffactorau’n cyfrannu at broses Proses gemegol a ddefnyddir gan blanhigion ac algâu i wneud glwcos ac ocsigen o carbon deuocsid a dŵr, gan ddefnyddio egni golau sydd wedi ei amsugno gan cloroffyl. Mae ocsigen yn cael ei gynhyrchu fel isgynnyrch ffotosynthesis.. Fel arfer, y ffactor sy’n gweithredu ar y lefel isaf fydd Ffactor, os yw’n gweithredu ar y lefel isaf, sy’n lleihau neu’n rhwystro cyfradd ffotosynthesis, ee tymheredd, dwysedd golau a crynodiad carbon deuocsid. y broses. Mae llawer o ffactorau cyfyngol sy’n gallu lleihau cyfradd ffotosynthesis, ee tymheredd, arddwysedd golau a chrynodiad carbon deuocsid.
Tymheredd
Fel adweithiau cemegol eraill, mae cyfradd ffotosynthesis yn cynyddu wrth i’r tymheredd godi. Mae ffotosynthesis yn cael ei reoli gan Protein sy'n catalyddu neu'n cyflymu adwaith cemegol yn y corff., sy’n cael eu Os yw ensym wedi ei ddadnatureiddio, bydd ei adeiledd a’i swyddogaeth yn newid. Mae hyn yn gallu cael ei achosi gan wres, newid mewn pH neu gan asiantau cemegol. os yw’r tymheredd yn rhy uchel. O ganlyniad, mae cyfradd ffotosynthesis yn cyrraedd ei huchaf ar dymheredd optimwm, yna’n lleihau. Mae uchafswm y gyfradd yn dibynnu ar y ffactorau eraill sy’n effeithio ar y broses.
Ymchwilio tanbeidrwydd golau
Golau sy’n darparu’r egni sydd ei angen ar gyfer ffotosynthesis. Mae cynyddu arddwysedd y golau’n cynyddu cyfradd ffotosynthesis, cyn belled â bod digonedd o garbon deuocsid a dŵr ar gael. Mae uchafswm y gyfradd yn dibynnu ar y ffactorau eraill sy’n effeithio ar y broses.
Mae llawer o ffyrdd o ymchwilio i sut mae golau’n cyfrannu at ffotosynthesis. Yn yr arbrawf hwn, mae golau’n cael ei symud oddi wrth blanhigyn sy’n cyflawni ffotosynthesis i amrywio arddwysedd y golau mae’r planhigyn yn ei gael. Y pellaf mae’r golau’n symud oddi wrth y planhigyn, y lleiaf o swigod ocsigen mae ffotosynthesis yn eu cynhyrchu.
Gallwn ni ddefnyddio’r ddeddf sgwâr gwrthdro i ddisgrifio arddwysedd golau ar wahanol bellteroedd oddi wrth ffynhonnell golau. Mae hon yn datgan bod arddwysedd golau mewn cyfrannedd gwrthdro â sgwâr y pellter oddi wrth y ffynhonnell.
Mewn termau ymarferol, mae hyn yn golygu, os yw’r golau’n cael ei symud ddwywaith mor bell oddi wrth y planhigyn, bydd y planhigyn yn cael chwarter yr egni.
Cyfrifo tanbeidrwydd golau
Gallwn ni ddefnyddio’r fformiwla hon i gyfrifo arddwysedd golau.
\({\text{Arddwysedd golau}}\propto\frac{1}{{\text{Pellter}}^{2}}\)
Mae’r symbol ∝ yn golygu ‘mewn cyfrannedd â’.
Felly, pan mae’r golau 20 cm oddi wrth y planhigyn, bydd yn cael
\(\frac{1}{{0.2}{\text{ m}}^{2}}\) = 25 uned mympwyol
Ond pan mae’r golau 40 cm oddi wrth y planhigyn, dim ond
\(\frac{1}{{0.4}{\text{ m}}^{2}}\) = 6.25 uned mympwyol
Carbon deuocsid
Mae angen carbon deuocsid ar gyfer ffotosynthesis. Mae cynyddu crynodiad carbon deuocsid yn cynyddu cyfradd ffotosynthesis, cyn belled â bod y planhigyn yn ddigon cynnes ac yn cael digonedd o olau a dŵr. Mae uchafswm y gyfradd yn dibynnu ar y ffactorau eraill sy’n effeithio ar y broses.
Question
Beth sy’n cyfyngu ar gyfradd ffotosynthesis ym mhwyntiau A a B ar y graff? Pa dystiolaeth o’r graff sy’n dangos hyn?
Ym mhwynt A, crynodiad carbon deuocsid sy’n cyfyngu ar gyfradd ffotosynthesis. Y dystiolaeth sy’n dangos hyn yw bod cyfradd ffotosynthesis yn cynyddu wrth i grynodiad carbon deuocsid gynyddu.
Ym mhwynt B, gallai’r tymheredd neu’r arddwysedd golau fod yn ffactor gyfyngol. Rydyn ni’n gwybod nad carbon deuocsid yw’r ffactor gyfyngol, oherwydd dydy cynyddu’r carbon deuocsid ddim yn cynyddu cyfradd ffotosynthesis. Felly, rhaid bod rhywbeth arall yn atal y gyfradd rhag cynyddu.
