'S e foirmle sa bheil co-dhiù aon chaochladair a th' ann an co-aontar. Tha grunn sheòrsachan ann: co-aontar loidhne dhìreach, ailseabrach, co-amail is far am feum cuspair an fhoirmle atharrachadh.
Nuair a bhios tu a' fuasgladh eas-aontaran, faodaidh tu an samhla neo-ionannachd a làimhseachadh san aon dòigh ris an t-samhla co-ionann.
Eisimpleir 1
Fuasgail an t-eas-aontar \(3x + 2 \le - 4\)
Freagairt
\(3x + 2 \le - 4\)
\(3x \le - 4 - 2\)
\(3x \le - 6\)
\(x \le \frac{{ - 6}}{3}\)
\(x \le - 2\)
Eisimpleir 2
Fuasgail an t-eas-aontar \(2x-1\,\textgreater 9\)
Freagairt
\(-4x+3\,\textless\, 23\)
\(-4x\,\textless\, 23-3\)
\(-4x\,\textless\, 20\)
\(x\,\textgreater\, \frac{20}{4}\) (bhon a tha sinn a' roinn le àireamh àicheil, tha an samhla neo-ionannachd air atharrachadh)
\(x\,\textgreater\, -5\)
Mar a chunnaic sinn roimhe, faodaidh sinn na h-aon riaghailtean a chleachdadh le eas-aontaran 's a chleachd sinn le co-aontaran, ach a-mhàin ann an aon shuidheachadh:
Nuair a bhios tu ag iomadachadh (no a' roinn) eas-aontar le àireamh àicheil, atharraich an samhla neo-ionannachd an taobh eile.
Mar eisimpleir, bidh (>) ag atharrachadh gu nas lugha na (<).
