Cynnwys
Pennod 1
- Cawn ein cyflwyno i Bethan a Huw Gwastad Hir sy’n creu helynt yn y llys ar ôl clywed bod Meredydd Parri yn ddieuog o dreisio Bethan. Mae Meredydd yn ymateb yn dawel i’r dyfarniad.
- Cyflwynir pentref Hirfaen i ni – Gwesty Sant Aron a thafarn Yr Wylan Wen a’r cwsmeriaid. Cawn wybod bod mam a thad Meredydd wedi boddi
ers rhyw ddeunaw mis.
- Cyfarfod â Gladys Drofa Ganol sydd wedi cael sioc o glywed bod Meredydd yn ddieuog.
Pennod 2
- Cawn ein cyflwyno i deulu Gwastad Hir sy’n ffraeo wrth y bwrdd.
- Aiff Meredydd i siopa yn Hirfaen a wynebu pobl am y tro cyntaf ar ôl iddo gael ei ryddhau. Caiff ei fygwth gan Huw Gwastad Hir ond mae’n cael croeso mawr gan Wil Drofa Isaf yn y garej.
- Gyda’r nos caiff Meredydd groeso yn Yr Wylan Wen ond ar y ffordd adref mae Huw yn ei ddyrnu.
Pennod 3
- Cawn ein cyflwyno i ŵr gwael yn yr ysbyty ym Mangor – Harri Evans – sy’n dweud wrth Inspector Emrys Roberts ei fod ef a William Hughes wedi dwyn o siop emau Jenkins yn Wrecsam. Roedd wedi gweld William Hughes yn yr ysbyty
nos Sadwrn dwytha.
- Mae’r plismon sy’n cadw llygad ar y ward yn gweld William Hughes (Richard Jones) yno.
Pennod 4
- Mae Meredydd yn galw yn Yr Erddig ar ôl diwrnod digalon ac unig ac yn cyfarfod ag Einir sy’n gweithio yno.
- Gwelwn Morgan Ellis, perchennog Yr Erddig yn bwcio Richard Jones i mewn.
- Mae Harri Evans yn marw.
Pennod 5
- Ffonia Richard Jones yr ysbyty o giosg ac aiff i banig o glywed bod Harri Evans wedi marw. Mae’n gyrru i Hirfaen a chaiff sioc o weld stad o dai ar dir Tan Ceris lle claddodd y diemwntau. Yma gwelwn bod cysylltiad rhwng y bennod 'Claddu' a Richard Jones.
- Gareth Hughes yn rhybuddio Meredydd nad ydy Huw Gwastad Hir wedi gorffen ag ef.
Pennod 6
- Daw Meredydd wyneb yn wyneb â Bethan Gwastad Hir a’i mam ym Mhenerddig ac â at Einir am gysur.
- Gwêl Gladys Meredydd yn cyrraedd adref gydag Einir a gwylltia.
Pennod 7
- Aiff Richard Jones i Dan Ceris ac yna aiff â Now am beint i geisio’i gael i ateb cwestiynau am y stad. Caiff wybod mai Gladys Drofa Ganol sy’n byw yn
yr hen gornel fach honno o’r cae rŵan.
Daw Gareth Hughes yno a chaiff wybodaeth am Richard Jones gan Now. - Yn y gwesty mae Richard Jones yn cynllunio sut i gael cynllun o stad Maes Ceris.
Pennod 8
- Wedi diwrnod ar y traeth dywed Meredydd bopeth am ddamwain ei rieni wrth Einir. Gwelant Richard Jones yn prowlan y tu allan i’r tŷ.
- Mae gweld cysgod Richard Jones y tu allan yn dychryn Gladys.
Pennod 9
- Caiff Gladys ei darganfod wedi marw.
- Caiff Richard Jones gynlluniau’r stad o swyddfa’r pensaer.
- Aiff Einir a Meredydd i Borthmadog i ymweld â’i rhieni ond mae hi’n gwrthod dyweddïo.
Pennod 10
- Mae Huw yn dathlu ei fod am gael arian ar ôl Gladys.
- Mae Gareth Hughes yn ei ddyrnu ac yn gofalu ei fod yn cael ei ddal yn yfed a gyrru.
- Aiff Now Tan Ceris a Gareth Hughes i angladd Gladys.
Pennod 11
- Wedi oriau o weithio mae Richard Hughes yn taro ar y garreg a’r polythen a roddodd yno bum mlynedd yn ôl.
- Clyw sgwrs plismyn y tu allan. Mae’n dianc trwy’r ffenestr.
- Dwalad, ci Now, yn cael gafael arno a’i gnoi. Mae’n lladd y ci, dianc a syrthio i’r môr.
Pennod 12
- Y plismyn yn chwilio am gorff Richard Jones.
- Â Meredydd ac Einir am dro ac mae Meredydd yn ffraeo gyda’r plismyn.
- Â’r ddau i’r Wylan Wen.
