Adeiledd planhigionAmsugno mwynau

Dim ond mwynau hydawdd mae planhigion yn gallu eu hamsugno (rhai sy’n gallu hydoddi mewn dŵr). Maent yn amsugno mwynau wedi’u hydoddi mewn hydoddiant o’r pridd drwy eu celloedd gwreiddflew. Fodd bynnag, mae crynodiad mwynau yn y pridd yn isel iawn.

Cludiant actif – Haen uwch yn unig

Dydy mwynau ddim yn gallu cael eu hamsugno drwy gyfrwng osmosis oherwydd dim ond symudiad dŵr yw hyn. Dydyn nhw ddim yn gallu cael eu hamsugno drwy gyfrwng trylediad, oherwydd mae crynodiad y mwynau yn isel iawn. Yn lle hynny, mae’r planhigyn yn defnyddio cludiant actif.

Mae gan y celloedd gwreiddflew brotinau cludo yn eu cellbilenni. Mae’r rhain yn casglu’r ïonau mwynol ac yn eu symud nhw ar draws y bilen i mewn i’r gell yn erbyn y graddiant crynodiad.

Oherwydd bod cludiant actif yn symud ïonau yn erbyn graddfa crynodiad i fewn i’r celloedd gwreiddflew, bydd angen egni. Darperir yr egni ar ffurf ATP (adenosin triffosffad).