Adeiledd planhigionSypynnau fasgwlar

Mae meinweoedd sylem a ffloem i’w canfod mewn grwpiau o’r enw sypynnau fasgwlar. Mae safle’r sypynnau hyn yn amrywio mewn gwahanol rannau o’r planhigyn. Mewn deilen, er enghraifft, mae’r ffloem fel arfer yn agosach i’r arwyneb isaf.

Gwreiddyn

Mae tiwbiau sylem yn wydn ac yn gryf, felly mae’r sypynnau fasgwlar yng nghanol y gwreiddyn i wrthsefyll grymoedd a allai dynnu’r planhigyn allan o’r tir.

Coesyn

Mae’n rhaid i’r coesyn wrthsefyll cywasgiad (gwasgu) a grymoedd plygu sy’n cael eu hachosi gan bwysau’r planhigyn a’r gwynt. Mae’r sypynnau fasgwlar wedi eu trefnu ger ymyl y coesyn, gyda’r ffloem ar y tu allan a’r sylem ar y tu mewn.