Gwaith byrfyfyrSyniadau ar gyfer creu a datblygu cymeriadau

Os oes gen ti gymeriad eisoes, mae’n werth arbrofi gyda’r syniadau canlynol er mwyn ehangu dy wybodaeth a dy ddealltwriaeth o’r ffordd y byddai’n ymddwyn mewn gwahanol sefyllfaoedd.

Trosglwyddo rôl

Arbrofa i weld sut mae cymeriadau yn ymateb mewn lleoliadau gwahanol. Cymer dy gymeriad a’i symud o’i amgylchedd arferol a gwneud gwaith byrfyfyr yn rhywle hollol wahanol. Gallet ti ddefnyddio os hudolKonstantin Stanislavski a gofyn ‘Beth os ....?' er mwyn ymchwilio i’r posibiliadau di-ben-draw y cymeriad a’r cynllun a chreu byd hollol ddychmygol. Dyma rai sefyllfaoedd posib:

• ar fws
• aelod o reithgor mewn llys
• mewn cyfweliad teledu
• y dyfodol
• yn sownd mewn lifft
• plentyn mewn meithrinfa

Mae modd i ti arbrofi gyda newid lleoliad neu wrth newid statws cymeriadau a rhoi swydd ddibwys neu un hynod bwysig iddyn nhw ei gwneud. Galli di fynd yn ôl neu ymlaen mewn amser a dychmygu sut roedden nhw’n ymddwyn fel plentyn neu fel person hŷn. Beth petaet ti’n taflu tri chymeriad hollol wahanol, megis hen wraig, clown a pheilot at ei gilydd mewn senario ddiddorol?

Nawr, lle fyddet ti’n eu rhoi nhw?

Beth ydy cymhelliad y cymeriadau neu beth maen nhw ei eisiau? Efallai fod yr hen wraig eisiau achub y byd rhag ymosodiad gan greaduriaid o’r gofod…

Sut fyddai dy gymeriad yn ymddwyn petai’n:

• ennill y loteri?
• cyfarfod â’r frenhines?
• cael gwybod mai chwe mis yn unig sydd ganddo/ganddi i fyw?
• dod yn Brif Weinidog?