Ceithir-cheàrnaich
Bidh na ceàrnan ann an Tha ceithir taobhan dìreach agus ceithir ceàrnan aig ceithir-cheàrnaich. a' dèanamh 360°.
Ceàrnag
Tha ceithir taobhan co-ionann agus ceithir ceàrnan ceart ann an ceàrnag.
Tha gach trastan a' gearradh còrnair ann an dà cheàrn de \(45^\circ\).
Mothaich cuideachd gu bheil na trastain co-ionann agus gu bheil iad a' gearradh a chèile ann an dà leth aig ceàrnan ceart. 'S e loidhneachan-cothromachaidh a tha sna trastain agus tha sin a' ciallachadh gu bheil 4 loidhneachan-cothromachaidh aig a' cheàrnaig.
Ceart-cheàrnach
Tha na taobhan mu choinneamh a chèile co-ionann agus co-shìnte ann an ceart-cheàrnach. Tha ceithir ceàrnan ceart ann.
Tha na trastain co-ionann agus roinnidh iad ceart-cheàrnach ann an ceithir triantain co-chasach. Chan e loidhneachan-cothromachaidh a tha sna trastain.
Question
Obraich a-mach meud ceàrn \(x^\circ\).
Bhon a tha 90° anns gach còrnair de cheart-cheàrnach, 's e 90° - 70° = 20° a bhios sa cheàrn as lugha sa chòrnair mhullaich chlì.
Le bhith a' cleachdadh loidhneachan-cothromachaidh a' cheart-cheàrnaich, chì sinn na ceàrnan eile a tha co-ionann agus thèid againn an uair sin air ceàrnan sam bith a tha a dhìth anns gach triantan obrachadh a-mach.
A' cleachdadh an triantain cho-chasaich aig a' mhullach:
\(x^\circ = 180^\circ - (20^\circ + 20^\circ ) = 180^\circ - 40^\circ = 140^\circ\)
