Ffwythiannau
Mae ffwythiant yn ffordd o ddisgrifio beth sy’n digwydd i newidyn mewnbwn, er mwyn cael canlyniad yr allbwn.
\(\text{Mewnbwn} \rightarrow \text{FFWYTHIANT} \rightarrow \text{Allbwn}\)
Os meddyliwn ni am ffwythiant syml megis "lluosi â 3", gallwn bennu set o werthoedd allbwn.
Yn hytrach nag ysgrifennu Ffwythiant = lluosi â 3 gallwn ddefnyddio algebra.
Rydyn ni’n galw’r mewnbwn yn \(x\) ac yn byrhau ffwythiant \({x}\) i \(f(x)\):
\(f(x) = 3x\)
Gall y ffwythiant fod yn fwy cymhleth a chynnwys algebra. Yn yr enghraifft isod, pan fo'r mewnbwn yn \({x}\), y ffwythinat yw'r mewnbwn wedi ei sgwario, adio 1.
\(f(x) = x^2 + 1\)
Gallwn ysgrifennu hyn mewn tabl:
Question
Canfydda’r gwerthoedd allbwn i gwblhau’r tabl ar gyfer y ffwythiant:
\(f(x) = 2x^2 - 3\)
Ar ffurf graff, mae, \(f(x) = x^2\) yr un fath â graff \(y = x^2\). Mae’n ddefnyddiol i ni ysgrifennu graffiau fel ffwythiannau ar ffurf \(f(x)\) wrth wneud trawsfudiadau ac adlewyrchiadau ar graffiau.
