TGAU

Loci a gwneud lluniadauLluniadau rhwng pwyntiau a llinellau

I wneud lluniadau, bydd angen pensil, pren mesur a phâr o gwmpasau. Defnyddir loci i ganfod ardaloedd sy’n bodloni meini prawf megis pellter penodol oddi wrth bwynt neu hanner ffordd rhwng dwy linell.

Part ofMathemategGeometreg a Mesur

Lluniadau rhwng pwyntiau a llinellau

Mae lluniadau yn ddiagramau cywir wedi eu llunio gan ddefnyddio pâr o gwmpasau a phren mesur.

Wrth lunio lluniadau, ni ddylet gael gwared â’r llinellau llunio.

Llunio’r perpendicwlar o bwynt at linell

Enghraifft

Skip image gallery

Image caption,
Mae P yn bwynt uwchben llinell lorweddol. Cer ati i lunio’r perpendicwlar o bwynt P at y llinell
Image caption,
Agora bâr o gwmpasau fel bod y pellter fymryn yn hirach na’r pellter o P at y llinell. Gosoda’r cwmpas ym mhwynt P a llunia ddwy arc, gan groesi’r llinell y naill ochr i P
Image caption,
Gosoda bwynt y cwmpas yn E a llunia arc o dan y llinell. Gwna hyn eto o bwynt F heb newid lled dy gwmpas fel bod yr arcau’n croesi i greu pwynt G
Image caption,
Gosoda bren mesur rhwng P a G. Defnyddia bren mesur i gysylltu pwynt P a’r llinell. Mae’r llinell ar ongl sgwâr i EF

Llunio’r perpendicwlar o bwynt ar linell

Enghraifft

Skip image gallery

Image caption,
Mae Q yn bwynt ar linell. Cer ati i lunio perpendicwlar yn Q
Image caption,
Gosoda bwynt y cwmpas yn Q. Llunia ddwy arc sy’n croesi’r llinell y naill ochr i Q
Image caption,
Gosoda bwynt y cwmpas yn S a llunia arc o dan y llinell. Gwna’r un peth o bwynt T heb newid lled dy gwmpas, fel bod y ddwy arc yn croesi i greu pwynt V
Image caption,
Defnyddia bren mesur i gysylltu pwynt Q, lle mae’r ddwy arc yn croesi, â V. Mae’r llinell QV ar ongl sgwâr i ST

Llunio cylchoedd

More guides on this topic

Related links