Bywyd wedi marwolaeth
Mae bywyd wedi marwolaeth yn gred sylfaenol yn y rhan fwyaf o grefyddau. Mae ffurf y bywyd wedi marwolaeth yn wahanol ym mhob crefydd ac weithiau ceir gwahaniaeth cred rhwng aelodau o’r un grefydd. Mae rhai pobl sydd heb gred grefyddol hefyd yn credu mewn bywyd wedi marwolaeth ac mae rhai’n credu nad oes dim math o fodolaeth ar ôl marwolaeth.
Dyma rai ffyrdd o feddwl am fywyd wedi marwolaeth:
- ailymgnawdoliadY gred grefyddol fod bodolaeth yn rhan o gylch o eni, bywyd, marw ac aileni, a bod yr enaid yn goroesi marwolaeth y corff ac yn cael ei aileni mewn corff newydd.
- atgyfodiadY gred Gristnogol fod yr Iesu wedi codi o farw'n fyw ar y trydydd dydd wedi'r croeshoeliad. Credinwyr yn codi o farw'n fyw ar Ddydd y Farn mewn bywyd newydd, neu atgyfodedig.
- aileniY gred bod rhyw ran o berson (ei egni o bosibl) yn cael ei throsglwyddo i fath newydd o fywyd ar ôl marwolaeth.
- anfeidroldeb fel gwaddolY gred nad oes bywyd ar ôl marwolaeth mewn gwirionedd, ac mai dim ond yn beth rydym wedi ei adael ar ein hôl y byddwn ni'n bodoli.
- anfeidroldeb fel atgofion pobl eraillY gred nad oes bywyd ar ôl marwolaeth mewn gwirionedd ac mai dim ond yn atgofion ein teulu a'n ffrindiau y byddwn yn bodoli.
- dim bydY gred na cheir dim ar ôl marwolaeth. Mae hwn yn safbwynt cyffredin ymhlith llawer o anffyddwyr.
