Ciamar a tha neo-ionannachd a' toirt buaidh air eucoir?
Ged a bhios daoine bho pàirt dhen chomann-shòisealta ri eucoir, tha ceangal soilleir eadar bochdainn agus eucoir. Tha tòrr fianais ann a tha a' sealltainn gur e bochdainn aon dhe prìomh adhbharan airson eucoir agus gur dòcha gun tionndaidh daoine le teachd-a-steach ìosal gu eucoir airson gum faigh iad na rudan a tha iad ag iarraidh. Ann an 2021/22, sheall staitistigean bho Riaghaltas na h-Alba gun robh 31% dhe na daoine a bha a' dol dhan phrìosan bhon 10% dhe na sgìrean bu mhotha easbhaidh ann an Alba.
Tha reatan eucoir nas motha buailteach a bhith ann an sgìrean bochda, agus bidh e coltach gum bi bochdainn ag adhbharachadh eucoir. Mar eisimpleir, tha reatan eucoir nas àirde ann an Dùn Dè, Glaschu agus Obar Dheathain na th' ann an Siorrachd Dhùn Breatann an Ear, Siorrachd Rinn Friù an Ear agus Eileanan Arcaibh.
| Ùghdarras ionadail | Eucoirean clàraichte gach 10,000 neach |
| Dùn Dè | 849 |
| Glaschu | 789 |
| Obar Dheathain | 651 |
| Cuibheas Albannach | 582 |
| Siorrachd Dhùn Breatann an Ear | 254 |
| Siorrachd Rinn Friù an Ear | 239 |
| Eileanan Arcaibh | 228 |
| Ùghdarras ionadail | Dùn Dè |
|---|---|
| Eucoirean clàraichte gach 10,000 neach | 849 |
| Ùghdarras ionadail | Glaschu |
|---|---|
| Eucoirean clàraichte gach 10,000 neach | 789 |
| Ùghdarras ionadail | Obar Dheathain |
|---|---|
| Eucoirean clàraichte gach 10,000 neach | 651 |
| Ùghdarras ionadail | Cuibheas Albannach |
|---|---|
| Eucoirean clàraichte gach 10,000 neach | 582 |
| Ùghdarras ionadail | Siorrachd Dhùn Breatann an Ear |
|---|---|
| Eucoirean clàraichte gach 10,000 neach | 254 |
| Ùghdarras ionadail | Siorrachd Rinn Friù an Ear |
|---|---|
| Eucoirean clàraichte gach 10,000 neach | 239 |
| Ùghdarras ionadail | Eileanan Arcaibh |
|---|---|
| Eucoirean clàraichte gach 10,000 neach | 228 |
Tha a' mhòr-chuid de phrìosanaich ann an Alba à sgìrean bochda agus tha trioblaidean aig mòran aca co-cheangailte ri fallaineachd inntinne agus a bhith a' dèanamh droch fheum de dheoch-làidir 's de dhrogaichean. Tha Coimisean Phrìosain na h-Alba air co-dhùnadh gum bi mu aon anns gach naoinear de dh'fhireannaich òga bho na sgìrean as bochda anns a' phrìosan mus ruig iad 23 bliadhna a dh'aois.
A rèir na 17mh Suirbhidh Phrìosanaich aig Seirbheis Prìosain na h-Alba (ann an 2019), chomharraich prìosanaich iomadh factar a bha iad dhen bheachd a chuir ri iad eucoir a dhèanamh, agus bha cuid dhiubh le ceangal dìreach ri bochdainn agus easbhaidh:
- Cion-cosnaidh - 16%
- Duilgheadasan airgid - 15%
Dè na factaran eile a tha co-cheangailte ri bochdainn?
Nochd factaran eile cuideachd a bhios tric co-cheangailte ri bochdainn agus easbhaidh, mar seòrsaichean àite-fuirich, mì-chleachdadh deoch-làidir agus drogaichean, nàbachd, dìth taic sa choimhearsnachd.
