Neymar 222 milyon avro üçün Barcelona-nı tərk etməyə hazırlaşır

Neymar məşqləri davam etdirmək üçün çərşənbə günü Barcelona-ya gəlib və klub yoldaşlarını Barcelona-nı tərk etmək istədiyini bildirib

Şəklin mənbəyi, EPA

Şəklin alt yazısı, Neymar məşqləri davam etdirmək üçün çərşənbə günü Barcelona-ya gəlib və klub yoldaşlarına Barcelona-nı tərk etmək istədiyini bildirib
    • Müəllif, Saj Chowdhury
    • Vəzifə, BBC Sport

Barcelona futbol klubunun hücumçusu Neymar Paris St-Germain (PSG) klubuna rekord, 222 milyon avroluq keçid üçün danışıqlara başlayacaq.

Braziliyalı hücumçu klub yoldaşlarına deyib ki, İspaniya klubunu tərk etmək istəyir.

Bundan sonra Barcelona-nın baş məşqçisi Ernesto Valverde ona məşqdən yayınaraq "gələcəyini həll etməyə" icazə verib.

PSG-nin futbolçuya 222 milyon avro ödəməyə hazır olduğu bildirilir.

Neymar 2013-cü ildə Braziliyanın Santos klubundan Barcelona-ya 54 milyon avroya transfer olunub. O, 2016-cı ildə 24 qat İspaniya çempionu ilə beş illik müqavilə imzalayıb.

Futbolçunun nümayəndəsi Wagner Ribeiro keçən il bildirmişdi ki, Fransa klubu Neymara həftəlik vergisiz 726000 avro təklif edib.

Hücumçunun Manchester United-ə keçməyə yaxın olduğu da deyilirdi.

Neymar Barcelona-nın heyətində 105 qola imza atıb. O, klubla birgə iki dəfə liqa çempionu və bir dəfə Çempionlar Liqasının qalibi adını qazanıb.

Skip Ən çox oxunan and continue reading
Ən çox oxunan

End of Ən çox oxunan