Mosul döyüşü: Ekspertlər İD-nin kütləvi məzarlığını araşdırır
Şəklin mənbəyi, AP
Hamam əl-Alil şəhərinin kənd təssərufatı kollecinin həyətində yerləşən kütləvi məzarlıqda təxminən 100 başsız cəsəd aşkar edilib.
Cəsədlərin əksəriyyətinin yalnız skeletləri qaldığına görə, onların kimliyi aydın deyil.
Özünü İslam Dövləti (İD) adlandıran qrupun yaraqlıları bir neçə kütləvi qırğın həyata keçirib və son zamanlar bu ərazidə yeni cinayətlər həyata keçirməklə günahlandırılırlar. Hökümət yönümlü qüvvələrin oktyabrın 17-dən başladığı hücum nəticəsində, onlar İD-nin İraqdakı son dayağı olan Mosul şəhərinə, geri çəkilməyə məcbur qalıblar.
Əraziyə göndərilən buldozer, torpaq təpənin ətrafını qazaraq sümüklər və çürümüş cəsədlərlə birgə paltar parçaları və plastik torbalar aşkar edib.
Qurbanların dinc əhali və ya təhlükəsizlik qüvvələri personalı olub-olmaması hələ bilinmir. Amma Associated Press-in çəkdiyi video kadrlarda bir əsgərin məzarlıqda aşkar etdiyi uşaq oyuncağını əlində tutduğu göstərilir.
Nineviya rayon şurasının üzvü Abdul Rəhman əl-Vaqqa-nın dediklərinə görə, əsqər, polis və milisin şəhəri ələ keçirməsindən qabaq, kənd təsərrüfatı kolleci İŞİD tərəfindən yüzlərlə insanı qətlə yetirmək üçün "qətl meydanı" kimi istifadə edilib.
Şəklin mənbəyi, AFP
Şəklin mənbəyi, AFP
2014-cü ildə Mosul şəhərini ələ keçirdikdən sonra, İD şimali İraqda təhlükəsizlik qüvvələri üzvlərini, etnik və dini azlıqları kütləvi şəkildə qətlə yetirib, sonra isə hərkətlərinin video və şəkillərini internetdə paylaşıblar.
Mosul şəhərini ələ keçirməyə yönəlmiş hərbi əməliyyatın üç həftə qabaq başladığından sonra, İD yaraqlılarının Mosul ətrafında vəhşiliklər törətdiyi məlumatı BMT-yə daxil olub.
