የ2020 ቶኪዮ ኦሊምፒክ፡ በቶኪዮ ኦሊምፒክ የሚጠበቁ ኢትዮጵያውያንና አፍሪካውያን ተወዳዳሪዎች እነማን ናቸው?

ቶፊክ ማክሉፊ የመካከለኛ ርቀት ሯጭ ነው (በ800 እና በ1,500 ሜትር ውድድሮች)

ቶፊክ ለመጀመሪያ ጊዜ ከስምንት ዓመት በፊት በተካሄደው ኦሊምፒክ ላይ ተሳትፎ በ1,500 ሜትር ወርቅና በሪዮ ኦሊምፒክ ደግሞ ሁለት የብር ሜዳሊያ አግኝቷል።

ናይጄል አሞስ ቦትስዋናዊ ሯጭ ሲሆን ለንደን ላይ በተካሄደው የኦሊምፒክ ውድድር ላይ በወንዶች የ800 ሜትር የብር ሜዳሊያ አግኝቶ ነበር።

የዚህ ዓመቱ የቶኪዮ ውድድር ሦስተኛው የኦሊምፒክ ተሳትፎው ይሆናል።

የቡርኪናፋሶ ዜጋው ሁግስ ፋብሪስ ከሁለት ዓመት በፊት በተካሄደው የዓለም አትሌቲከስ ሻምፒዮና ላይ የነሐስ ሜዳሊያ አግኝቷል።

የቡሩንዲ ዜጋ የሆነችው ፍራንሲን ኒዮንሳባ በሪዮ ኦሊምፒክና በዓለም ሻምፒዮና በሴቶች የ800 ሜትር ሩጫ የብር ሜዳሊያ አግኝታለች።

ኮትዲቯራዊቷ ማሪ-ጆዜ ታ ሉ የ100 እና የ200 ሜትር ሯጭ ናት።

በዓለም አትሌቲክስ ሻምፒዮና ላይ በሴቶች የ100 ሜትር ሩጫ የነሐስ ሜዳሊያ ያገኘች ሲሆን፤ በሪዮ ኦሊምፒክ ላይ ደግሞ በ100 እና 200 ሜትር ውድድሮች ላይ አራተኛ ሆና ጨርሳለች።

ኢትዮጵያዊቷ ለተሰንበት ጊደይ የ5 ሺህ ሜትር የሴቶች ክብረ ወሰን ባለቤት ስትሆን በቅርቡም የ10 ሺህ ሜትር ክብረ ወሰንን አሻሽላለች።

ከሁለት ዓመት በፊት በተካሄደው የዓለም አትሌቲክስ ሻምፒዮና ላይ በ10 ሺህ ሜትር የብር ሜዳሊያ አሸንፋለች።

ሰለሞን ባረጋ ኢትዮጵያዊ የረጅም ርቀት ሯጭ ሲሆን ከሁለት ዓመት በፊት በተካሄደው የዓለም አትሌቲክስ ሻምፒዮና በወንዶች የ5 ሺህ ሜትር ውድድር የብር ሜዳሊያ አግኝቷል።

በኦሊምፒክ መድረክ ላይ ለመሳተፍ የቶኪዮ የኦሊምፒክ ውድድር የመጀመሪያው ነው።

ኢትዮጵያዊው ሯጭ ዮሚፍ ቀጀልቻ በኦሊምፒክ ውድድር ላይ ሲሳተፍ የቶኪዮ ኦሊምፒክ የመጀመሪያው ነው።

ዮሚፍ ከሦስት ዓመት በፊት የዓለም የቤት ውስጥ ሩጫ ሻምፒዮና ላይ በ3 ሺህ ሜትር የወርቅ ሜዳሊያ ለማሸነፍ ችሏል።

ከሁለት ዓመት በፊት በተካሄደው የዓለም አትሌቲክስ ሻምፒዮና ላይ በ10 ሜትር ውድድር የብር ሜዳሊያ አግኝቷል።

ኢትዮጵያዊው የማራቶን ሯጭ ሌሊሳ ዴሲሳ ከሁለት ዓመት በፊት በዓለም አትሌቲክስ ሻምፒዮና በወንዶች ማራቶን የወርቅ ሜዳሊያ አሸንፏል።

ሹራ ቂጣታ ኢትዮጵያዊ የማራቶን ሯጭ ነው።

ባለፈው ዓመት ለንደን ላይ በተካሄደው የማራቶን ውድድር ታዋቂውን ኬንያዊ ሯጭ ኢሉድ ኪፕቾጌን በመቅደም የወርቅ ሜዳሊያ አሸናፊ ሆኗል።

ኢትዮጵያዊቷ የመካከለኛ ርቀት ሯጯ ጉዳፍ ፀጋይ በዚህ ዓመት የካቲት ላይ ፈረንሳይ ውስጥ በተካሄደ የሴቶች የ1,500 ሜትር የቤት ውስጥ ውድድር ክብረ ወሰን ለመስበር ችላለች።

ከሁለት ዓመት በፊት በተካሄደው የዓለም ሻምፒዮና ላይ የነሐስ ሜዳሊያ አሸንፋለች።

ጋምቢያዊቷ የአጭር ርቀት ሯጭ ጊና ባስ ከሁለት ዓመት በፊት ሞሮኮ ላይ በተካሄደው የመላው አፍሪካ ጨዋታዎች በ200 ሜትር ውድድር የወርቅ ሜዳሊያ አሸንፋለች።

በዚህ ዓመት በሚካሄደው የቶኪዮ ኦሊምፒክ ላይ ስትወዳደር ሁለተኛዋ የኦሊምፒክ ተሳትፎዋ ነው።

ኬንያዊው ጦር ወርዋሪ ጁሊየስ የጎ ሪዮ ላይ በተደረገው ኦሊምፒክ ላይ ተሳትፎ የብር ሜዳሊያ ለማግኘት ችሎ ነበር።

ዩቲዩብ ላይ ያሉትን የስፖርቱን ቪዲዮዎች በመመልከት ችሎታውን ያዳበረው ጁሊየስ 'ሚስተር ዩቲዩብ' በሚል የቅጽል ስም ይታወቃል።

ኬንያዊቷ የማራቶን ሯጭ ብጂድ ኮስጌይ ለሁለት ተከታታይ ዓመታት የቺካጎ ማራቶንን እንዲሁም ላለፉት ሁለት ተከታታይ ዓመታት ደግሞ የለንደን ማራቶንን ለማሸነፍ ችላለች።

ብሪጂድ ኮስጌይ ከሁለት ዓመት በፊት በቺካጎው ማራቶን ላይ ስታሸንፍ የሴቶች የማራቶን ክብረ ወሰንን ሰብራለች። የቶኪዮው ኦሊምፒክ የመጀመሪያዋ የኦሊምፒክ ተሳትፎዋ ነው።

ኬንያዊው ኢሉድ ኪፕቾጌ ታዋቂ የረጀም ርቀት ሯጭ ነው።

ኪፕቾጌ ከሦስት ዓመት በፊት በርሊን ላይ በተደረገ ውድድር የወንዶች ማራቶን ክብረ ወሰንን በእጁ አስገብቷል።

በሪዮ ኦሊምፒክ ላይም በማራቶን የወርቅ ሜዳሊያ አሸንፏል።

ቢያትሪስ ቼፕኮች የወቅቱ የመሰናክል ሩጫ የዓለም ክብረ ወሰን ባለቤት ናት።

የረጅም ርቀት ሯጯ ቢያትሪስ ከሁለት ዓመት በፊት በተካሄደው የዓለም ሻምፒዮና ላይ በ3ሺህ ሜትር የመሰናክል ሩጫ ውድድር የወርቅ ሜዳሊያ አግኝታለች።

ኬንያዊቷ የረጅም ርቀት ሯጭ ፌዝ ኪፕዬጎን ከአራት ዓመት በፊት ሪዮ ላይ በተደረገው ኦሊምፒክ በ1500 ሜትር ውድድር የወርቅ ሜዳሊያ አግኝታለች።

ቀደም ሲል በተካሄዱ ሁለት የዓለም ሻምፒዮናዎች ላይ ተወዳድራ የብር ሜዳሊያዎችን አሸንፋለች።

ሞሮኳዊቷ ሯጭ ራባብ አራፊ ከሁለት ዓመት በፊት በተካሄደው የዓለም አትሌቲክስ ፌዴሬሽን ዳይመንድ ሊግ ላይ በሴቶች የ1500 ሜትር ውድድር የወርቅ ሜዳሊያ አሸንፋለች።

የዚህ ዓመቱ የቶኪዮ ኦሊምፒክ ሁለተኛዋ የኦሊምፒክ ተሳትፎዋ ነው።

ሞሮኳዊው ሱፊያን ኤል ባካሊ ከአራት ዓመት በፊት በተካሄደው የዓለም አትሌቲክስ ሻምፒዮና ላይ በ3ሺህ ሜትር የመሰናክል ሩጫ የብር ሜዳሊያ አግኝቷል።

ብራዚል ሪዮ ውስጥ በተካሄደው ኦሊምፒክ ላይ ለመጀመሪያ ጊዜ ተሳትፏል።

ናሚቢያዊቷ የ400 ሜትር ሯጭ ቢያትሪስ ማሲሊንጊ ከ20 ዓመት በታች አስካሁን ከተመዘገቡት ፈጣን ሰዓቶች መካከል ሦስተኛውን አስመዝግባለች።

ቢሆንም ግን በተፈጥሮ ባላት ከፍ ያለ የቴስቴስትሮን መጠን ምክንያት በዘርፉ በኦሊምፒክ ላይ እንድትወዳደር ባይፈቀድላትም፤ በሌሎች ስፖርቶች ላይ ተሳታፊ ትሆናለች።

ናሚቢያዊቷ ሯጭ ክርስቲን ምቦማ በዚህ ዓመት በተደረገ የ400 ሜትር ውድድር ከ20 ዓመት በታች የዓለም ክብረ ወሰንን ሰብራለች።

ቢሆንም ግን በተፈጥሮ ባገኘችው ከፍ ያለ የቴስቴስትሮን መጠን ምክንያት በዘርፉ በኦሊምፒክ ላይ እንድትወዳደር ባይፈቀድላትም፤ በሌሎች ስፖርቶች ላይ ተሳታፊ ትሆናለች።

ኒጀራዊቷ የትራክና የመስክ ሯጭ አሚናቱ ሴይኒ ከሁለት ዓመት በፊት በተካሄደው የዓለም ሻምፒዮና ላይ ተሳትፋለች።

ናይጄሪያዊቷ ብለሲንግ ኦካግባሬ የአግድመት ዝላይና የአጭር ርቀት ስፖርተኛ ነው።

የወቅቱ የ100 ሜትር ሩጫ ውድድር ክብረ ወሰንን ይዛ ቆይታ ባለፈው ሰኔ ላይ ደግሞ የእራሷን ክብረ ወሰን አሻሽላዋለች።

የርቀቱን የናይጄሪያና የአፍሪካ ክብረ ወሰንን የያዘች ሲሆን በአሁኑ ወቅት ለዓለም ክብረ ወሰን የምትጠበቅ ሯጭ ናት።

ዲቫይን ኦዱዱሩ ለመጀመሪያ ጊዜ በኦሊምፒክ ውድድር ላይ የተሳተፈው ከአምስት ዓመት በፊት ሪዮ ላይ ነበር።

በሪዮው ኦሊምፒክ የአጭር ርቀት ሯጩ ኦዱዱሩ ለሩብ ፍጻሜ ውድድር ያለፈ ብቸኛው ናይጄሪያዊ ነበር።

ናይጄሪያዊቷ አትሌት ቶቢ አሙሳን ከሦስት ዓመት በፊት አውስትራሊያ ውስጥ በተካሄደው የኮመንዌልዝ ጨዋታዎች ላይ በ100 ሜትር የመሰናክል ሩጫ የወርቅ ሜዳሊያ አሸንፋለች።

ለመጀመሪያ ጊዜ በተሳተፈችበት የሪዮው ኦሊምፒክ ላይ አሙሳን የሩብ ፍጻሜ ላይ ደርሳ ነበር።

ኤሴ ብሩሜ ሰባት ሜትርና ከዚያ በላይ መዝለል ከቻሉ ሦስት አፍሪካውያን ሴቶች መካከል አንዷ ናት።

ናይጄሪያዊቷ ስፖርተኛ በመጀመሪያ በኦሊምፒክ ውድድር ላይ የተሳተፈችው ሪዮ ላይ ሲሆን እዚያም የአምስተኛ ደረጃን አግኝታለች።

ከሁለት ዓመት በፊት በተካሄደው የዓለም አትሌቲክስ ሻምፒዮና ላይ የነሐስ ሜዳሊያ ለማግኘት ችላለች።

ናይጄሪያዊው አሎሎ ወርዋሪ ቹክዉቡካ ኢኔክዌቺ ከሦስት ዓመት በፊት በተካሄደው የኮመንዌልዝ ጨዋታዎች ላይ የብር ሜዳሊያ ለማግኘት ችሏል።

በዓለም ሻምፒዮና ላይ ለፍጻሜ በመድረስ ብቸኛው ናይጄሪያዊ በመሆን ስምንተኛ ደረጃን አግኝቷል።

ናይጄሪያዊው የአጭር ርቀት ሯጭ ኡሾሪትሴ ኢትሴኪሪ የመጀመሪያውን ሜዳሊያ በመላው አፍሪካ ጨዋታዎች ላይ በ100 ሜትር ውድድር የነሐስ ሜዳሊያ አግኝቷል።

ዋይዴ ቫን ኒርኪርክ በሪዮው ኦሊምፒክ በ400 ሜትር ውድድር ለደቡብ አፍሪካ የወርቅ ሜዳሊያ አስገኝቷል።

በዚያ ውድድር ላይ የውድድሩን ባለክብረ ወስን አሜሪካዊውን ማይክል ጆንሰንን በማሸነፍ አዲስ የዓለምን ክብረ ወስን አስመዝግቧል።

አካኒ ከሦስት ዓመት በፊት በተካሄደው የኮመንዌልዝ ጨዋታዎች ላይ በ100 ሜትር ውድድር ለደቡብ አፍሪካ የወርቅ ሜዳሊያን አስገኝቷል።

በሁለት ዓመት በፊት ደግሞ በዓለም ሻምፒዮና ላይ አራተኛ ሆኗል።

ጃኮብ ኪፕሊሞ ኡጋንዳዊ የረጀም ርቀት ሯጭ ሲሆን ባለፈው ዓመት በዳይመንድ ሊግ የ3000 ሜትር ውድድርን አጠናቋል።

ከሪዮ ውድድር በመቀጠል የቶኪዮ ኦሊምፒክ ሁለተኛው የኦሊምፒክ ተሳትፎው ነው።

ኡጋንዳዊው ሯጭ ሮናልድ ሙሳጋላ በሪዮ ኦሊምፒክ ላይ በ1500 ሜትር የወንዶች ውድድር ላይ ተወዳድሮ ነበር።

ከሁለት ዓመት በፊት ለንደንና ፓሪስ በተካሄዱ የዳይመንድ ሊግ ላይ በማሸነፍ የወርቅ ሜዳሊያ አሸንፏል።

ጆሽዋ ኡጋንዳዊ የረጅም ርቀት ሯጭ ሲሆን በዓለም የአትሌቲክስ ሻምፒዮና ላይ በ10 ሺህ ሜትር ውድድር የወርቅ ሜዳሊያ ያገኘ ሲሆን ባለፈው ዓመት ሞናኮ ላይ በተካሄደው የዳይመንድ ሊግ በ5 ሺህ ሜትር አዲስ ክብረ ወሰን አስመዝግቧል።

ኡጋንዳዊቷ የመሰናክል ሯጭ ፔሩት ቺሙታይ ሪዮ ላይ በተካሄደው ኦሊምፒክ ተወዳድራ ነበር።

እንዲሁም በዓለም አትሌቲክስ ሻምፒዮና ላይ በ3000 ሜትር የመሰናክል ሩጫ ተወዳድራ አምስተኛ ወጥታለች።