ሞ ሳላህ እያሽከረከረ ሞባይል ሲጠቀም የሚያሳየው ቪዲዮ ፖሊስ ጋር ደረሰ

የሊቨርፑል የፊት መስመር ተጫዋች የሆነው ሞሃመድ ሳላህ ሞባይል ስልክ እየተጠቀመ ሲያሽከረክር የሚያሳይ ቪዲዮ ሊቨርፑል እጅ ከደረሰ በኋላ ክለቡ ለፖሊስ ጥቆማ አድርሷል።

የሊቨርፑል ፖሊስም በትዊተር ገጹ ላይ እንዳሰፈረው ተንቀሳቃሽ ምስሉን መመልከቱንና የሚመለከተው ክፍል ጉዳዩን እያጣራ መሆኑን ገልጿል።

የሊቨርፑል ክለብ ቃል አቀባይ እንዳሉት ክለቡ ለፖሊስ ጥቆማውን ከማድረሱ በፊት ከተጫዋቹ ጋር መነጋገሩን አሳውቋል። ቃል አቀባዩ ጨምረውም ተጫዋቹም ሆነ ክለቡ በዚህ ጉዳይ ላይ ተጨማሪ ነገር ማለት አይፈልጉም።

• «ሳሸንፍ ጀርመናዊ ስሸነፍ ስደተኛ» ኦዚል

• የሳምንቱ ምርጥ 11! በሳምንቱ የጋሬት ክሩክስ ቡድን ውስጥ እነማን ተካተዋል?

• አፍሪካውያን በእንግሊዝ ፕሪሚየር ሊግ ውስጥ

በማህበራዊ ሚዲያዎች ላይ በስፋት የተሰራጨው ተንቀሳቃሽ ምስል ላይ ግብጻዊው ተጫዋች እያሽከረከረ ስልኩን ሲጠቀም ያሳያል።